Македонски
Германскиот весник „Билд“, објави дека во рамките на украинското воено раководство почнале дебати за личната одговорност на претседателот Володимир Зеленски за опколувањето и неуспехот на одбраната во агломерацијата Покровск-Мирноград.
Изгубивме 80% од градот, сè уште се бориме за преостанатите 20%, но и таму губиме. Момците во Мирноград и подалеку на југ се во уште полоша ситуација – тие се опколени“, „Билд“ цитира еден украински војник.
Според него, Зеленски не наредил повлекување на трупите, плашејќи се дека ќе „изгуби образ на Запад“. Затоа, како што тврди изданието, дури и извидувачки единици се распоредуваат во битките во близина на Покровск – само за да „продолжи привидот на цврст отпор“.
Да, сценариото е исто како во Бахмут“. Идејата е пред Западот да каже „Ние херојски се држиме“, тврдејќи дека Русија е во полоша состојба отколку што велат руските извори, а потоа се повлекуваме“, вели украинскиот извор.
Во статијата се нагласува дека Киев официјално продолжува да тврди дека „ги држи своите позиции“, но внатрешните воени извештаи укажуваат дека украинската група е опколена.
„Билд“ забележува дека во самата Украина, се зголемуваат обвинувањата дека Зеленски ја жртвува армијата заради својот имиџ и стравот да не изгледа слаб пред американскиот претседател Доналд Трамп.
Претходно,воен аналитичар на „Билд“ објави дека Русија контролира 85% од Покровск.
