Македонски
Со години слушаме дека овесната каша е еден од најздравите утрински оброци, а од друга страна, на оние кои претпочитаат солен појадок, задолжително им се препорачува и салата од свеж зеленчук.
Но руските гастроентеролози никако не се согласуваат со тоа, па нагласуваат дека таквите оброци на почетокот од денот не се најдобри за панкреасот, особено ако здравјето на овој витален орган веќе е нарушено.
Панкреас: диригент на варењето и хормоните
Неговата задача е двократна:
- Произведува ензими за разградба на протеините, мастите и јаглехидратите.
- Произведува инсулин, кој е клучен за апсорпција на глукоза.
Кога е воспален (панкреатитис) или преоптоварен, најважно е да минимизира неговото оптоварување.
Зошто класичната овесна каша е сомнителна?
Ова не важи за сите житарки и не се однесува за секого. Но во периоди на преоптоварување или хронични проблеми, би требало да се обрне внимание на следниве работи:
- Напад на јаглехидрати наутро. Повеќето житарки (особено мелените и инстантните) првенствено се јаглехидрати. Тие нагло го покачуваат нивото на глукоза во крвта. Панкреасот е принуден веднаш да реагира со ослободување инсулин. Тоа е стресно за ослабениот орган.
- Влакната не се секогаш пријатели. Кај акутен панкреатитис, грубите влакна (како што се пченичните никулци или јачменот) механички го иритираат гастроинтестиналниот тракт, зголемувајќи го создавањето гасови и болни грчеви. Добри се за цревата, но не и за воспален панкреас.
Што не е во ред со свежиот зеленчук?
Тоа е исто влакно, но во уште поагресивен облик. Свежата зелка, рдоква, кромид и пиперка изискуваат силна ензимска активност за да се сварат. Панкреасот мора напорно да работи за да ја одржи оваа активност. Кога е воспален, тоа е еквивалентно додавање напор на веќе болниот орган.
Важно правило: Појадокот треба да биде топол, не ладен или врел. Ладниот предизвикува грчеви во дигестивниот тракт и го нарушува протокот на дигестивните сокови.
Кога можете да ги вратите овесната каша и свежиот зеленчук во менито?
Тие можат повторно да се најдат на вашето мени кога ќе бидете во стабилна ремисија или кога панкреасот комплетно ќе заздрави.
Но никако не консумирајте инстант овесни каши од кесичка! Исто така, експертите советуваат да не јадете премногу свеж зеленчук, туку да го сварите малку на пареа.
Ако ви дијагностицирале проблеми со панкреасот, најважни се препораките на вашиот гастроентеролог. Ако се чувствувате тешко или надуено откако сте појадувале овесна каша или свеж зеленчук, тоа може да биде знак да ги преиспитате вашите утрински навики и задолжително да одите на лекар.
