Македонски
Начинот на исхрана што го усвојуваме во раниот период од животот честопати останува присутен и подоцна, формирајќи го не само односот кон храната, туку и целокупното здравје. Исхраната најчесто се смета за извор на енергија, но нејзината улога е многу покомплексна – особено кога станува збор за имунолошкиот систем и работата на органите за варење.
Поради тоа, имунолозите посочуваат дека одредени навики во исхраната, доколку се усвојат и задржат подолг временски период, може да имаат значајно негативно влијание врз организмот и да придонесат за развој на посериозни здравствени проблеми.
Заморот, постојаната млитавост, чувството на подуеност, па дури и подочниците под очите, честопати се првите тивки сигнали дека во телото се развива нарушување кое започнува во дигестивниот тракт, а потоа се пренесува и на другите органски системи. Најмногу на удар е имунитетот, бидејќи токму состојбата на цревата е клучна за тоа како организмот ќе реагира на надворешните и внатрешните предизвици.
„Храната не е само извор на енергија. Дигестивниот систем не обезбедува само хранливи материи, туку е и главниот регулатор на имунолошкиот систем. Ако цревата се здрави и немаат проблеми, имаме таканаречен толерантен одговор на организмот, кој не прави голема штета. Не правиме штета ни кога станува збор за други болести – висок притисок, дијабетес, васкуларни болести… Сите тие честопати ги испраќаат најраните сигнали токму преку дигестивниот тракт“, објаснуваат експертите.
