Традиционалната крводарителската акција во спомен на роденденот на големиот хуманист и крводарител, Тоше Проески

По четиринаесети пат, Црвен крст на град Скопје и Црвен крст на Република Македонија – Општинска организација Центар, во соработка со ИТМ ќе ја организираат традиционалната крводарителската акција во спомен на роденденот на големиот хуманист и крводарител, Тоше Проески.

Крводарителската акција ќе се реализира денес во холот на Дом на АРМ во периодот од 09:00-17:00 часот.

Оваа крводарителска акција стана веќе препознатлива во нашиот град и е посетена од голем број граѓани, а пред сѐ од помладата популација која во ликот на Тоше Проески препознава пример на хуманост. До сега, на овие акции реализирани се повеќе од 5 500 единици крв.