Невремето и сообраќајка предизвикаа прекин во сообраќајот, гужви има и на „Евзони“

Патниците и возачите денес се соочуваат со сериозни проблеми и застои, како на граничните премини, така и на повеќе патни правци низ државата.

На граничниот премин „Евзони“ од Грција кон Македонија моментално има големи гужви, а за влез во државата се чека околу два часа.

Поради сообраќајна несреќа, затворен е патниот правец Куманово – Крива Паланка во близина на „Алфа“, при што сообраќајот се пренасочува по стариот пат кон Старо Нагоричане.

Како последица на денешното невреме, паднато дрво го блокираше патот Меџитлија – Битола, поради што овој дел од сообраќајницата е затворен за сообраќај.