Македонски
Според народните верувања, времето на Митровден може да открие каква зима нè очекува. Старите обичаи велат дека вечерта спроти празникот треба да се помине дома, а утрото и времето во текот на денот се толкуваат како најава за претстојната зима.
Оваа година Митровден, 8 ноември, донесе претежно сончево време, со пријатни дневни температури, но студено утро, кое нè потсети дека зимата полека се приближува.
Според народната метеорологија, сончевото време на Митровден е најава за поблага зима, додека студот и мразот се поврзуваат со долга и студена зима.
Постои и верување дека ако на празникот врне дожд, зимата ќе биде влажна и со повеќе врнежи, а доколку падне снег, тој наводно ќе се задржи до пролетта.
Митровден во народната традиција се смета за еден од важните датуми за претскажување на времето. Оттука и поговорката дека каков ќе биде празникот, таква ќе биде и зимата.
Сепак, овие верувања се дел од народната традиција и немаат научна потврда. За вистинската прогноза за претстојната зима ќе мора да ги почекаме метеоролозите, а не народните временски календари.
