Трамп доаѓа на отворањето на Нотр Дам во Париз

Доналд Трамп изјави дека ќе присуствува на повторното отворање на Нотр дам во Париз во сабота.

Посетата ќе биде негова прва голема посета на странство по победата на изборите.

Повторното отворање на катедралата, која беше тешко оштетена во пожар во 2019 година, ќе биде голема глобална работа. Се очекува да присуствуваат шефови на држави и влади од околу 50 земји, според Асошиетед прес.

Реставрацијата на катедралата, светско наследство, беше финансирана од донатори од 150 земји и чинеше речиси 700 милиони евра.

Макрон беше првиот странски лидер кој му честиташе на Трамп по неговата победа. Двајцата тесно соработуваа за време на првиот мандат на Трамп, иако на моменти имаа затегнати односи.