Македонски
Американскиот претседател Доналд Трамп, за време на неговото инаугуративно обраќање, наведе голем број извршни наредби што планира да ги потпише за да почне да ги спроведува во агендата на неговата администрација.
Денеска ќе потпишам серија историски извршни наредби. Со овие дејствија ќе ја почнеме целосната обнова на Америка и револуцијата на здравиот разум. Се работи за здрав разум, рече тој.
Трамп, исто така, ја истакна својата намера да прогласи национална вонредна состојба на јужната граница на САД.
Трамп, во првите минути на функцијата, порача дека прогласува „национална енергетска вонредна состојба“ за да помогне во намалувањето на цените, едно од неговите клучни предизборни ветувања.
Трамп во говорот истакна дека „инфлациската криза е предизвикана од огромното прекумерно трошење и ескалацијата на цените на енергијата“.
Новиот претседател, исто така, пораче дека ќе го насочи својот кабинет да ги искористи „огромните овластувања со кои располага“ за да ја намали цената на стоките.
Трамп изјави дека неговиот „живот бил спасен“ со милоста Божја за да ја направи Америка повторно голема, во врска со обидот за атентат врз него во Батлер, Пенсилванија за време на кампањата.
Трамп изјави дека денеска, 20 јануари 2025 година, е „ден на ослободувањето“.
Се надевам дека нашите неодамнешни претседателски избори ќе останат запаметени како најголеми и најконсеквентни избори во историјата на нашата земја, рече Трамп за време на неговото инаугуративно обраќање.
Тој истакна неколку извршни активности што рече дека ќе ги преземе, вклучително и враќање на иницијативите за чиста енергија.
Со моите постапки ќе ставиме крај на Зелениот нов договор и ќе го отповикаме мандатот за електрични возила, спасувајќи ја нашата автомобилска индустрија и чувајќи го моето свето ветување пред моите големи американски работници во автомобилската индустрија. Со други зборови, ќе можете да купите автомобил по ваш избор. Повторно ќе произведуваме автомобили во Америка со брзина за која никој не можеше да сонува дека е возможна пред само неколку години“, рече Трамп по што доби аплауз.
Трамп вети дека „веднаш ќе почне со ремонт на трговскиот систем на САД за да ги заштити американските работници и семејства“.
Ќе ги тарифираме и оданочуваме странските земји за да ги збогатиме нашите граѓани. За таа цел, формираме Служба за надворешни приходи за да ги собере сите тарифи, давачки и приходи, рече Трамп за време на неговото инаугуративно обраќање.
Тој додаде дека ова ќе донесе „огромни суми пари“ во касата на земјата „кои доаѓаат од странски извори“.
Трамп изјави дека ќе го смени името на Мексиканскиот залив во Американски залив, истакнувајќи ги неколкуте активности што веднаш ќе ги преземе.
Америка ќе го врати своето заслужено место како најголема, најмоќна, најпочитувана нација на Земјата – инспирирајќи стравопочит и восхит на целиот свет. За кратко време од сега, ќе го смениме името на Мексиканскиот залив во Американскиот залив“, рече Трамп.
