Македонски
Земјотрес со јачина од 5.0 степени ја погоди западна Турција, со епицентар во Мраморното Море, на 39 километри оддалеченост од покраината Текирдаг, соопшти Европско-медитеранскиот сеизмолошки центар (EMSC).
Земјотресот бил почувствуван и во Истанбул, кој е оддалечен околу 100 километри од епицентарот на земјотресот, наведуваат турските медиуми.
Според соопштението на EMSC, епицентарот на земјотресот бил на длабочина од девет километри.
По земјотресот кабинетот на гувернерот на Истанбул објави дека „досега не се пријавени штети во Истанбул“.
Нашите тимови на терен започнаа пребарувања низ целиот град. Ги молиме нашите граѓани да не се приближуваат до објектите што може да бидат оштетени и да ги почитуваат најавите на надлежните институции“, се наведува во соопштението што го пренесе Хуриет.
