Македонски
Шпанските медиуми објавија дека Националната полиција открила и затворила просторија наменета за мачење во куќа во Естепона, во областа Малага, и уапсила седум српски државјани, откако спасила две жртви.
„Алармот го вклучила девојката на еден од мажите кои биле мачени. Тој ѝ кажал на партнерката дека оди во куќата поради работа и дека, доколку не ѝ се јави во рок од 20 минути, треба да ја повика Националната полиција“, изјави полициски извор за медиумите.
Средбата била договорена за 5 септември. Откако поминале повеќе од половина час без да ѝ се јави партнерот, жената се јавила на бројот за итни случаи за да пријави дека се плаши дека нешто му се случило. Полицијата веднаш испратила патролно возило, а двајца полицајци одиграле клучна улога во спасувањето на двајцата мажи.
„Полицајците ја прескокнале оградата бидејќи никој не им одговарал, а стравувале дека ситуацијата може да биде критична. Тогаш од куќата ненадејно излегол гол маж со тело прекриено со крв и извикал: „Ќе нè убијат! Ќе нè убијат!“… Полицајците повикале засилување и не се двоумеле ниту секунда да влезат во куќата во Естепона, каде што не можеле да поверуваат што откриле“, објавија медиумите.
🇪🇸 En Estepona, una mujer llamó a la Policía cuando su pareja no regresó de una reunión. Los agentes terminaron rescatando a dos hombres heridos y descubriendo una habitación preparada para tortura. Hay varios detenidos vinculados presuntamente a una red criminal serbia. El caso vuelve a mostrar otra cara de la Costa del Sol: junto al turismo, también opera como nodo del crimen organizado europeo. https://t.co/IgyiokqKec
— Quantum Pulse Media (@quantumpulsehq) September 24, 2026
Како што се гледа на видеото, собата била обложена со пластична фолија, а во неа имало алат за мачење, како клешти и чекани. Во просторијата во моментот на упадот на полицијата се наоѓал и еден маж кој бил гол, врзан за стол и прекриен со крв.
За време на претресот беа запленети и оружје, две пушки АК-47 и пиштоли.
Извор: МКД.мк
