Македонски
Лидерот на сириската бунтовничка група Хајат Тахрир ал-Шам (ХТС) – Абу Мохамед ал Џолани, наводно е убиен во руски воздушен напад, според извештаите на арапските медиуми, а сликите кои наводно го покажуваат неговото тело кружат на социјалните мрежи.
ХТС го предводеше нападот во последните денови против режимот на Башар ал Асад, при што беа заземени значајни делови од Алепо, пишува Eрусалим пост.
Руските медиуми објавија дека руското Министерство за одбрана соопштило дека воздушните сили извршиле напади врз сириските бунтовници како поддршка на сириската армија.
Нападите биле насочени кон „концентрации на милитанти, командни пунктови, магацини и артилериски позиции“ во провинциите Алепо и Идлиб, објави рускиот државен руски центар за помирување на непријателските страни во Сирија.
ХТС е формирана во 2017 година како резултат на реорганизација на неколку сириски џихадистички групи.
Сириските бунтовници зазедоа голем дел од најголемиот сириски град Алепо во петокот на 29 ноември, по 13 години војна и неколку години релативно спокојство. На чело на неочекуваниот развој, кој го вознемири не само сирискиот лидер Башар ал-Асад, туку и Москва, која е негов заштитник, е бунтовничката група Хајат Тахрир ал-Шам.
Станува збор за сунитска паравојска која е поддржана од Турција, а која Соединетите Американски Држави ја сметаат за терористичка организација, пишува Јутарњи лист . Хајат Тахрир ал-Шам беше создаден во 2017 година со обединување на голем број милитантни групи кои се намножија за време на граѓанската војна што избувна во Сирија по почетокот на т.н. Арапска пролет 2011 година. Во тие години, автократските режими паднаа во Северна Африка, но не и во Сирија.
Декларираната цел на Хајат Тахрир ал-Шам (познат по неговите иницијали ХТС) е да создаде исламска држава и да го собори династичкото владеење на семејството Асад и нивниот сојузник Хезболах од земјата.
Извор: Телеграф.рс
