Македонски
Министерството за одбрана на Русија денеска соопшти дека украинските сили извршиле пет напади врз руска енергетска инфраструктура во изминатите 24 часа, со што, според руската страна, бил прекршен мораториумот за такви напади што претходно бил договорен со посредство.
Како што пренесе агенцијата ТАСС, нападите се случиле во областите Запорожје и Курск, како и во Краснодарскиот крај. Во напад со украинско беспилотно летало во Запорожје бил оштетен трансформатор, што довело до прекин во снабдувањето со електрична енергија за над 1600 домаќинства.
Друг напад со дрон во близина на железничка станица во Краснодарскиот крај оштетил контактна мрежа, што предизвикало доцнење и запирање на два патнички воза. Во Курската област, украински артилериски напад врз енергетски објект ја исклучил високонапонската линија, поради што еден индустриски капацитет во Беловскиот реон останал без струја. Дополнително, околу 19.400 домаќинства во Беловски и Обојанскиот реон исто така останале без електрична енергија.
