Норвешки брод одби да спаси морнари од рускиот брод кој потона во Средоземното Море

Екипажот на норвешкиот брод „Осло Кариер 3“ од непозната причина одбил да ги спаси руските морнари од товарниот брод „Велики Медвед“ кој потона во Средоземното Море, изјави за РИА Новости компанијата „Оборонлогистика“, која е сопственик на рускиот брод.

Компанијата објави дека чамецот за спасување со руските морнари се упатил кон блискиот норвешки брод, кога екипажот на тој брод одбил да ги прими членовите на екипажот на „Големата мечка“. Како причина за таквото одбивање, норвешкиот брод навел извесна забрана.

Компанијата „Оборонлогистика“ ваквото однесување на екипажот на норвешкиот брод го окарактеризира како грубо кршење на десеттиот член од Меѓународната конвенција за спасување од 1989 година.