Македонски
Собрани се околу 30 крвни единици на крводарителска акција во Општина Илинден организирана по повод националниот празник на македонскиот народ и патрониот празник на општината „Илинден – 2 Август“.
Како што информираат од прес-службата на Општина Илинден, акцијата се реализира во соработка со Црвениот крст и Институтот за трансфузиона медицина, во просториите на Домот на култура „Илинден“.
На акцијата која почна во 09:00 часот и траеше до 14 часот собрани се околу 30 крвни единици. Кесите со собраната крв ќе бидат предадени на Институтот за трансфузиона медицина и ќе ја добијат оние кои имаат најмногу потреба од неа. Дополнително крводатителската акција ја поддржа општествено одговорната компанија Нелт, пришто на секој крводарител им подари пакетче со производи, посочуваат од Општина Илинден.
