Македонски
Владина делегација на чело со премиерот Христијан Мицкоски, деновиве е во САД, каде, меѓудругото присуствуваа на Генералното Собрание на Обединетите Нации во Њујорк.
81-та сесија на Генералното собрание на Обединетите нации со светските лидери, со цел повторно зајакнување на глобалната соработка, давање клучен поттик на Целите за одржлив развој и поттикнување заедничка акција за мир, достоинство и еднаквост на здрава планета, сподели Мицкоски по вчерашната седница.
Делегацијата денеска треба да учествува и на состанокот на лидерите на Европската Унија и Западниот Балкан, јави специјалниот известувач на МИА од Њујорк.
Состанокот го води високата претставничка за заедничка безбедносна и надворешна политика на ЕУ, Каја Калас.
Во пресрет на состанокот, македонскиот премиер Мицкоски повика на вклучување на претставници на ЕУ со цел подобрување на дијалогот за разликите со Бугарија.
Премиерот Мицкоски исто така информираше дека доаѓаат позитивни сигнали од Европската Унија, особено по самитот на ЕУ и земјите од Западниот Балкан во Тиват, кога од Германија и Франција произлезе иницијатива за реформи во процесот на проширување.
