Македонски
На Меѓународниот ден на образованието, Филозофскиот факултет во Скопје, како најстара високообразовна институција во државата, имаше чест да биде домаќин на Министерката за образование, проф. д-р Весна Јаневска. На средбата, професорите од факултетот дискутираа за нацрт Концепцијата за гимназиско образование, разменувајќи идеи и предлози за подобрување на идниот образовен систем.
Во рамките на посетата, се истакна важноста на партнерствата и соработката помеѓу академската заедница и институциите за образование. Министерката ги слушна препораките и размислувањата на професорите, нагласувајќи дека тие ќе бидат вклучени во процесот на креирање и имплементација на идните реформи.
Оваа средба ја отвори можноста за продлабочување на соработката меѓу Министерството за образование и Филозофскиот факултет, со заедничка цел – создавање модерно, иновативно и инклузивно образование кое ќе ги задоволи потребите на учениците и ќе биде во чекор со глобалните трендови.
