Кога би бил во функција Центарот за изгореници би имал капацитет за четири или пет пациенти, изјави премиерот

Кога би бил во функција Центарот за изгореници, би имал капацитет за четири до пет пациенти, но нашиот здравствен систем покажа дека е жилав и дека може да се справи со ваков бран, истакна премиерот Христијан Мицкоски при денешната посета на повредените од пожарот во Кочани.

Мицкоски посочи дека здравствениот систем покажал дека е спремен да се соочи со големи предизвици.

-Нашиот здравствен систем покажа дека е жилав и дека може да прими ваков бран кој што е можеби голем предзивик и за многу пософтицирани здравствени системи и за многу поголеми држави од нашите и јас им честивувам и сум благодарен и од мое но и од името на Владата, изјави премиерот.

Премиерот Христијан Мицкоски заедно со министерот за здравство Арбен Таравари беа во посета на повредените од пожарот во Кочани и присуствуваа на состанокот на Кризниот штаб на Министерството за здравство.