
Електродистрибуција објави оглас за вработување електромонтери во Скопје. Работните позиции се однесуваат на активности за одржување и функционирање на дистрибутивната мрежа, вклучително и отчитување и замена на броила, контрола на приклучоци и мерни места, исклучување и повторно вклучување корисници, како и помош при отстранување дефекти.
Заинтересираните кандидати треба да имаат завршено средно електротехничко образование – IV степен, насока енергетика. Дополнителни квалификации за работа под напон, положен стручен испит за ракување со енергетски уреди и постројки, како и познавање компјутерски вештини ќе се сметаат за предност.
Рокот за пријавување е до 23 ноември 2026 година.
Заинтересираните кандидати можат да ги погледнат условите и да аплицираат преку официјалната платформа за кариера на Електродистрибуција.

Македонски



