Македонски
Во Музејот на револуционерната борба вечер ќе се одржи промоција на стихозбирката „Има така некои денови“ од Елка Јачева-Улчар, во издание на СИВЕЈАН.
Промотор на книгата е професор д-р Владимир Мартиновски, за издавачот Тихомир Методи Јанчовски, а стихови ќе чита Ирена Илиевска. Музичкиот блок е на Благој Ламњов, кларинет, а водител ќе биде Татјана Алексиќ.
Насловната страница на стихозбирката е илустрирана со сликата „Прегратка“, 2021 г., на Трајче Чатмов.
Елка Јачева-Улчар е лингвист и автор на повеќе научни трудови, добитник на наградата за животно дело „Гемиџии“ за 2023 година. Таа е вработена во Институт за македонски јазик „Крсте Мисирков“ – Скопје и е истражувач во научноистражувачки проекти поврзани со историјата на македонскиот јазик.
