Македонски
Амбасадорот на Франција, придружуван од првиот советник и советникот за култура и соработка, го посети Музејот на македонската борба за самостојност, каде што оствари средба со г-ѓа Анче Илиевска, директорка на музејот, и разговараше со г-ѓа Даниела Николова, кустос советник, која неодамна се врати од престој во Париз во рамките на програмата „Светски текови” на француското Министерство за култура.
Оваа посета овозможи дискусија за заеднички проект за ноември 2025 година, организиран заедно со Францускиот институт во Скопје, во врска со Источниот фронт: изложба на фотографски архиви, предавање за Првата светска војна (со предвидено учество на професорот Ерик Алар), и педагошки работилници за учениците од билингвалните паралелки. Овој проект сведочи за заложбата за продлабочување на културните и образовните врски околу нашата заедничка историја.
