Ги стигна казната и возачите што возеа по пешачката патека кај „Жабар“

Санкционирани се возачите кои управуваа возило по пешачка патека на кејот на Вардар во Скопје, соопштија вечерва од МВР.

Во врска со објавеното видео во дел од медиумите на 08.10.2026 во кое се прикажани патнички возила како се движат по несодветна површина, односно по пешачка патеката во близина на кејот на реката Вардар, од страна на полициски службеници при СВР Скопје преземени се соодветни мерки и активности при што констатирано е дека едното патничко возило „туран“ со скопски регистарски ознаки е управувано од Б.Ќ.(45) од Скопје, а другото патничко возило „мерцедес“ со скопски регистарски ознаки е управувано од Ј.А.(42) од Скопје, велат од МВР.

Додаваат дека против двајцата возачи ќе се превземат мерки согласно одредбите од Законот за безбедност на сообраќајот на патиштата.

На истата патека лани смртно беше прегазен скопјанецот Југослав Николовски.