Македонски
Со одлука на Регулаторната комисија за енергетика за малопродажните цени на нафтените деривати, бензините поевтинија, додека дизелот бележи мало поскапување.
Од утринава на полноќ, ЕУРОСУПЕР БС-95 е поевтин за 1,50 денари и се продава по 74,00 денари за литар. Цената на ЕУРОСУПЕР БС-98 исто така се намали за 1,50 денари и изнесува 76,00 денари за литар.
Во спротивна насока се движи цената на ЕУРОДИЗЕЛ (Д-Е V), која се зголеми за 0,50 денари и изнесува 70,00 денари за литар.
Цената на екстра лесното масло за домаќинство (ЕЛ-1) останува непроменета и изнесува 69,50 денари за литар.
Исто така, цената на мазутот М-1 НС бележи благо намалување од 0,174 денари по килограм, па новата цена изнесува 39,409 денари за килограм.
Оваа одлука е донесена врз основа на методологијата за пресметка на највисоки малопродажни цени на нафтените деривати, а се однесува на периодот што започнува од 7 јули 2025 година.
