Македонски
Откупот на винското грозје ќе заврши во најдобар ред, имаме рекордно највисоки цени, а така ќе продолжиме и во наредниот период, истакна денеска министерот за земјоделство, шумарство и водостопанство Цветан Трипуновски.
Одговарајќи на новинарски прашања за откупните цени на винското грозје и критиките на лидерот на СДСМ Венко Филипче дека лозарите се изманипулирани, на прес-конфреренција во Стопанската комора на Македонија, тој рече дека е некоректно да се манипулира во овој предизборен период со маката и трудот на лозарите.
– МЗШВ согласно Законот за вино ги има запазено сите законски обврски и потребни активности да ја истакне производната, односно откупната цена, која треба да биде зголемена за 25%. Жалам што се вметнува политика во мотиката, но тоа е начин на делување на СДСМ, нивна одлика, изјави Трипуновски.
Заложба на Министертсво и Владата, според него е да се грижат за трудот на секој македонски земјоделец.
– Тоа го покажуваат и бројките на Државниот завод за статистика, а во котекст на тоа за успешноста на менаџирање на целиот процес второто тромесечје во 2025 година кај откупот на земјоделски производи од индивидуалните производители е забалежано од 26,4%, а во делот на откупот и продажбата второто тромесечје 2025, во споредба со истиот период лани имаме зголемување 7,2%. Ова значи дека го враќаме квантитетот на македонското прозиводтво ја зголемуваме продажбата, односно го враќаме производството на пиедесталот, рече Трипуновски.
