Македонски
Регулаторната комисија за енергетика донесе одлука со која се врши зголемување на малопродажните цени на нафтените деривати во просек за 0,63% во однос на одлуката од 7 февруари.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,198%, кај дизелот намалувањето е за 0,043%, кај екстра-лесното масло зголемувањето е за 1,055% и кај мазутот зголемувањето е за 1,452%.
Од 11 февруари од 0:01 часот максималните цени на нафтените деривати ќе изнесуваат:
- моторен бензин Еуросупер БС-95 – 79,50 (ден/л)
- моторен бензин Еуросупер БС-98 – 81,50 (ден/л)
- дизел гориво Еуродизел БС (Д-Е V) – 73,00 (ден/л)
- масло за горење Екстра-лесно 1 (ЕЛ-1) – 73,00 (ден/л)
- мазут М-1 НС – 48,011 (ден/кг)
Малопродажните цени на бензинот Еуросупер БС-95 се зголемува за 0,50 денари/литар, на Екстра-лесното масло за домаќинство се зголемува за 1,00 денар/литар на мазутот М-1 НС се зголемува за 0,542 денари/килограм и сега ќе изнесува 48,011 денари/килограм, додека малопродажните цени на Еуросупер БС-98 и на Еуродизел (Д-Е V) не се менуваат.
