Во Хрватска се повлекува формула за бебиња „Аптамил“ поради присуство на бактерија

Фрипик

Хрватскиот државен инспекторат итно го повлече од пазарот производот „Аптамил АР1“ (Aptamil AR1), формула за бебиња, поради зголемено присуство на бактеријата Bacillus cereus. Како што соопшти Хрватската агенција за земјоделство и храна (HAPIH), одлуката е донесена врз основа на микробиолошките критериуми за безбедност на храната, соопшти Индекс.хр“..

Повлекувањето се однесува исклучиво на пакувањето од 400 грама со следните спецификации:

Рок на траење: 17.05.2026 година
ЛОТ број: 111444865
Производител: Nutricia Export BV, Холандија

Според информациите објавени од хрватските медиуми, производот не е во согласност со регулативите на Европскиот парламент за безбедност на храна. Дистрибутер за Хрватска е компанијата „AWT International d.o.o.“.