Светската фудбалска организација (ФИФА) ги информираше националните федерации за постапката за жрепката на европските квалификации за Мундијалот 2026 која ќе се одржи на 13 декември годинава.
Европските квалификации ќе се играат во дванаесет групи, од кои седум ќе бидат со по пет, а пет со по четири селекции.

Дванаесетте победници од европските квалификациски групи директно ќе се пласираат на СП.
Уште четири европски репрезентации ќе обезбедат мундијалски настап преку дополнителни квалификации во кои ќе играат 12 второпласирани репрезентации и четирите најдобри селекции од Лигата на нации кои нема да се пласираат директно или на второто место во својата група.

Дополнитениот „плеј-оф“ ќе се состои од четири „патеки“ со по четири репрезентации, кои полуфиналето и финалето ќе ги играат во март 2026 година.
Европските квалификации ќе почнат во март 2025 година за репрезентациите кои нема да играат четвртфинале или плеј-оф во Лигата на нации, а останатите термини се закажани за јуни (освен за финалистите од Лигата на нации), септември, октомври и декември.

The post Никогаш потешко и покомплицирано: Долг е патот за македонската репрезентација до пламан на СП appeared first on Република.

Македонската репрезентација составена од ракометарки до 20 години обезбедија пласман во главната рунда на Светското првенство кое се игра во Скопје.

Македонките вечерва во СЦ „Борис Трајковски“ ја совладаа Ангола со 28:24.

Нашата репрезентација групната фаза ја заврши со две победи и еден пораз и се пласира на 2. место во Х-групата.

Покрај Македонија, пласман во осминафиналето оствари и Исланд со максимални три победи.

Во Главната групна фаза, македонските ракометарки ќе играат со Португалија и против Црна Гора

The post Браво за нашите девојки: Македонските млади ракометарки ја поминаа групната фаза на Светското првенство appeared first on Република.

На Светското хокеарско првенство синоќа во Прага се одигра натпревар од групата А помеѓу селекциите на Австрија и Канада. Победија Канаѓаните со резултат 7:6 по продолжение.

Во третиот период австрискиот тимкој губеше со 1:6 постигна пет гола во низа и го однесе натпреварот во продолжение. Според прес-службата на Меѓународната федерација за хокеј на мраз (IIHF), овој камбек е најголем во историјата на Светските првенства.

Во продолжението, канадската репрезентација победи благодарение на прецизниот удар на Џон Таварес.

Следниот натпревар Канада за противник ќе ја има Норвешка, а Австрија ќе игра против Финска

The post Знаете ли дека се игра Светско првенство во хокеј додека се игра плејофот во најсилната НХЛ лига appeared first on Република.

Меѓународната ракометна федерација (ИХФ) во францускиот град Кретил ги одреди домаќините на светските првенства во машка и женска конкуренција во 2029 и 2031 година.

Домаќини на машкиот Мундијал во 2029 ќе бидат Германија и Франција, додека Светското првенство 2031 заеднички ќе го организираат Данска, Исланд и Норвешка.

Последното Светско првенство за ракометари се одржа минатата година во Шведска и Полска, а селекцијата на Данска во финалето ја победи Франција.

Светското првенство за ракометарки во 2029 ќе се одржи во Шпанија, додека домаќини на женскиот ракометен Мундијал во 2031 ќе бидат Чешка и Полска.

The post Машкиот ракометен Мундијал 2029 ќе се игра во Франција и Германија, женскиот во Шпанија appeared first on Република.

Македонската женска јуниорска репрезентација ќе игра во Х-групата заедно со националните тимови на Ангола, Исланд и САД на претстојното Светско првенство.

Мундијалот во втората половина на јуни оваа година ќе се игра во Македонија која како домаќин одбра да игра во групата Х.

Другите групи се:

А-група: Романија, Холандија, Бразил, Иран

Б-група: Швајцарија, Египет, Тунис, Чиле

Ц-група: Унгарија, Кореја, Аргентина, Мексико

Д-група: Данска, Норвешка, Јапонија, Тајван,

Е-група: Шведска, Чешка, Кина, Алжир

Ф-група: Франција, Германија, Шпанија, репрезентација која ќе добие валјд карта

Г-група: Португалија, Црна Гора, Гвинеја, Узбекистан.

The post Македонските ракометарки во група со Ангола, Исланд и САД на СП 2024 appeared first on Република.

Ракометарките на Франција и Норвешка повторно ќе играат во финале на Светското првенство, како што тоа беше и пред две години во Шпанија, откако Французинките во дански Хернинг ја совладаа Шведска со 37:28, а Норвежанките триумфираа над Данска со 29:28 по продолжение.

Французинките и натаму се со стопроцентен ефект на мундијалскиот турнир, а на патот до финалето во последното коло од групната фаза ја совладаа и Норвешка со 24:23 во Трондхајм.

Данска и Шведска в недела од 16 часот ќе играат за бронзениот медал во Хернинг, додека дуелот за светската титула е од 19 часот.

Норвежанките во своето деветто финале ќе се обидат да го освојат петтото светско злато, додека Французинките по седми пат ќе играат во финалето, а титулата светски првак досега ја освојуваа два пати.

Неделното финале ќе биде четврто во историјата меѓу Норвешка и Франција. Во сите претходни три победи Норвешка.

The post Ракометарките на Франција и Норвешка повторно ќе играат за женската светска титула appeared first on Република.

Претставници на ФИФА и на Организацискиот одбор на Светското првенство во 2026 година, задолжени за клучните оперативни подрачја, почнаа со посети на градовите домаќини на натпреварите од Мундијалот.

Прва станица на нивната турнеја беше Мајами, а во план е обиколка на сите 16 градови домаќини на Мундијалот кој во 2026 година заедно ќе го организираат САД, Канада и Мексико.

Како што јави шпанската новинска агенција ЕФЕ, во фокусот на претставниците на ФИФА на претстојните посети ќе бидат прашањата поврзани со јавниот транспорт, управувањето со стадионите, приоритетните услуги и одржувањето на терените.

Обиколката на градовите домаќини ќе биде поделена во два дела, а за неколку недели ќе заврши со посета на Ванкувер.

На Мундијалот 2026, првпат во историјата, ќе настапат 48 репрезентации, а ќе бидат одиграни рекордни 104 натпревари.

The post Се проверува јавниот транспорт, стадионите, приоритетните услуги и одржувањето на терените: ФИФА во обиколка на градовите домаќини на СП 2026 appeared first on Република.

Кошаркарската репрезентација на Канада дојде до својот прв медал на светските првенства. Во борбата за третото место, Канаѓаните ги совладаа САД со 127:118, по продолжение.

Славениците на овој натпревар, практично во текот на целиот натпревар беа подобар противник, и имаа контрола на случувањата на теренот. Тоа траеше до самиот крај на регуларниот дел, односно до нешто помалку од пет секунди пред последниот свиреж на судијата.

Во тие моменти, при водство на Канада од четири поени, Микал Бриџис имаше две слободни фрлања. Првото го погоди, по што второто намерно го промаши, но самиот тој дојде до одбиената топка и со шут за три поени од свртување од аголот на теренот погоди за 111:111 и го однесе дуелот во продолжение.

Сепак, во дополнителните пет минути Канаѓаните предводени со нивниот најдобар играч, Шеј Гилџес-Александер ја вратија цврстата контрола на играта и лесно дојдоа до победа и големо, за нив историско, славје.

Гилџес-Александер мечот го заврши со 31 поен, 12 асистенции и шест скокови, а огромна улога за победата имаше и Дилон Брукс, кој „ја носеше“ својата репрезентација во регуларниот дел со 39 поени.

Кај Американците најдобри беа Ентони Едвардс со 24, Остин Ривс со 23 и Микал Бриџис со 19 поени.

The post Историски медал за Канада, „Дрим тимот“ извиси за одличје appeared first on Република.

Германија и Канада обезбедија место меѓу најдобрите четири репрезентации на Светското кошаркарско првенство со што се познати сите полуфиналисти на завршниот турнир кој се игра во Јапонија, Филипини и Индонезија.

Во четврт-финалето, Канада беше поуспешна од Словенија со 100-89, додека Германија во драматичен натпревар со 81-79 ја совлада Летонија. Летонците имаа шанса за победа, но Давис Бертанс на две секунди пред последниот свиреж беше непрецизен во обид за три поени.

За место во финалето на кошаркарскиот Мундијал репрезентацијата на Германија в петок ќе игра против САД, додека противник на Канада ќе биде Србија.

Покрај пласманот во полуфиналето, Германија и Србија обезбедија и директен пласман на Олимписките игри 2024 како две најдобро пласирани европски репрезентации на Мундијалот.

The post Канада и Германија ги дополнија полуфиналните парови на СП во кошарка appeared first on Република.

Репрезентацијата на Летонија ја совлада селекцијата на Франција со 88:86, со што обезбеди пласман во втората рунда на Светското првенство во 2023 година.

Франција, која пред почетокот на турнирот важеше за еден од фаворитите за медал, доживеа втор пораз во два меча и ја загуби шансата да ја продолжи борбата за титулата. На првиот натпреварувачки ден Французите убедливо беа поразени од Канада со 95:65.

Резултати на третиот ден од Мундобаскет 2023:

Италија – Доминиканска Република 82:87

Австралија – Германија 82:85

Црна Гора – Египет 89:74

Либан – Канада 73:128

Филипiни – Ангола 70:80

Јапонија – Финска 98:88

Литванија – Мексико 96:66

Франција – Летонија 86:88

The post Летонија ја победи Франција и се пласира во втората фаза на Светското кошаркарско првенство, Французите елиминирани appeared first on Република.

 Светската фудбалска асоцијација (ФИФА) одлучи за форматот на Мундијалот во 2026 година. Ќе има 12 групи по 4 селекции и 104 натпревари во 39 дена.

ФИФА во четврток, на 16 март, има намера да го одобри новиот формат за Светското првенство во 2026 година.

Според „The ​​Athletic“, првично беше планирано да се поделат тимовите во 16 групи од 3 тима. Сепак, ФИФА реши да се откаже од оваа идеја за формат со 12 групи од по 4 тима, а во плејофот ќе се пласираат најдобрите осум третопласирани екипи, како и сите екипи кои завршуваат на првото и на второто место.

Светското првенство во фудбал во 2026 година ќе се одржи во САД, Канада и Мексико. Натпреварите ќе се одржат во 16 градови. Ова Светско првенство ќе биде најдолго во историјата: ќе трае 39 дена, во кои ќе бидат вклучени 104 натпревари

The post Следното Светско првенство ќе трае месец и половина и ќе се играат 104 натпревари appeared first on Република.

Репрезентациите на Португалија и Хаити пополнија две од преостанатите три места за настап на Светското фудбалско првенство во женска конкуренција кое ќе се одржи во Австралија и Нов Зеланд од 20 јули до 20 август.

Својот дебитантски настап на мундијалскиот турнир, фудбалерките на Португалија го обезбедија во плејофот против Камерун, со триумф од 2-1 по продолжение. Натпреварот се одигра во новозеландскиот град Хамилтон.

Португалија на Мундијалот ќе игра во групата Е против САД, Виетнам и Холандија.

Претходно, свое прво Светско првенство обезбеди и Хаити триумфирајќи против Чиле со 2-1, во дуел што играше во Оукленд. Хаити на завршниот турнир ќе биде во групата Д со Англија, Данска и Кина.

Последниот учесник на претстојното Светско првенство ќе биде познат по одигрување на плејоф-мечот меѓу репрезентациите на Панама и Парагвај, а победникот ќе игра во групата Ф со Бразил, Јамајка и Франција.

The post Хаити и Португалија обезбедија дебитантски настапи на женското фудбалско Светско првенство appeared first on Република.

. И покрај обидите да бидат дискредитирани од скандинавските медиуми, македонските ракометни судии Ѓорѓи Начевски и Славе Николов, добија доверба да го судат големото финале на Светското првенство што ќе се игра вечерва во Стокхолм.

Во 28. финале на светските првенства ќе се сретнат Франција и Данска. Данците ќе бркаат трета титула и хет-трик актуелен шампион, додека Франција игра за нова светска круна по 2017 година, а вкупно седма во историјата.

Мечот ќе се игра во „Теле 2“ арената во Стокхолм со почеток во 21 часот.

The post Наши, а светски: Начевски и Николов ќе го судат финалето на Светското ракометно првенство appeared first on Република.

Македонската ракометна репрезентација ги продолжува настапите на Светското првенство 2023 со мечевите за пласман од 25 до 32 место во Президент купот во дуели што ќе се играат во Плоцк, Полска.

Попладнево од 15:30 часот, избраниците на селекторот Кирил Лазаров ќе се соочат со Алжир во првиот натпревар од Групата 2.

Во вториот меч од оваа група од 18 часот се среќаваат Тунис и Мароко.

Во натпреварите од Главната групна фаза играат:

Катар – Холандија (15:30 часот)

САД – Бахреин (15:30)

Египет – Белгија (18:00)

Германија – Аргентина (18:00)

Данска – Хрватска (20:30)

Норвешка – Србија (20:30)

The post Попладнево против Алжир: Mакедонските ракометари ги продолжуваат дуелите на Мундијалот со настап во Президент купот appeared first on Република.

Со нова енергија и нов фокус насочени кон Холандија, македонските ракометари денеска го продолжуваат настапот на Светското првенство.

Во тимот веќе се приклучи ракометарот на Вардар 1961, Давид Савревски, кој ќе го замени својот клупски колега, Томислав Јагуриновски, кој на дуелот против Норвешка се здоби со повреда на скочниот зглоб и поради тоа веќе ги заврши настапите на Мундијалот.

Како што најави селекторот, Кирил Лазаров, отсуството на Јагуриновски, ќе биде покриено со повеќе ракометари.

Натпреварот почнува во 18 часот, а напиоте ракометари повторно ќе имаат силна поддршка од „фалангата“, која и на ова првенство со голема масовност дава поддршка од трибините.

The post Со нов фокус и подобра енергија ракометарите одат по првата победа на Мундијалот appeared first on Република.

Левото крило на македонската ракометна репрезентација и еден од најискусните во националниот тим, Дејан Манасков, оценува дека поразот од Норвешка во првиот настап на Светското првенство во, нема негативно да се одрази врз амбициите за пласман во следната фаза.

Македонските ракометари на дуелот против Норвешка, одигран во Краков, направија дури 17 технички грешки што резултираше со висок пораз од фаворитот со 39:27.

Не смее да се направат толку многу изгубени топки против една репрезентација како Норвешка. Норвежаните победија заслужено, а ние мораме да ги поправиме грешките, бидејќи Холандија игра сличен ракомет“, вели Манасков.

Мансков најавува поинаков пристап за дуелот против Холандија, што се игра в недела со почеток од 18 часот.

Не се покажавме во најдоброто светло, но има сили во овие момчиња. Против Холандија ќе бидеме подобри. Остануваме фокусирани на целта да се пласираме во следната фаза. Верувам дека тоа е достижно без оглед на стартниот пораз“, додава Манасков.

Холандија во првиот натпревар славеше убедливо против Аргентина со 29-19.

The post Манасков најавува подобра игра против Холандија appeared first on Република.

Дваесетина добри минути во средината на првото полувреме, кои доведоа до егал на семафорот од 9:9, не беа доволни за македонската ракометна репрезентација рамноправно да и се спротивстави на Норвешка.

Фаворизираните и многу квалитетни Норвежани, од тој момент целосно ја презедоа контролата врз натпреварот и рутинирано го доиграа натпреварот до крај. На полувреме беше 18:11, а на крајот резултатот беше 39:27.

Нашите голмани имаа осум одбрани, а во офанзива најефикасни беа Талевски со седум и Манасков со пет голови.

На другиот натпревар од почетното коло во оваа група, Холандија ја совлада Аргентина со 29:19.

Следниот предизвик за нашата репрезентација на ракометниот  мундијал е во недела, кога играме против Холандија со почеток од 18 часот.

The post Норвежаните пресилни за нас: Македонските ракометари го отворија Мундијалот со пораз од фаворитот appeared first on Република.

Македонската ракометна репрезентација губи на полувреме од Норвешка со 18:11.

Норвежаните подобро го отворија натпреварот, а дојдоа и до предност од три голови, односно резултат 7:4. Потоа нашите ракометари ги стегнаа редовите, па дојдоа и до изедначување 9:9.

Сепак, по една наше исклучување, норвешките ракометари постигнаа неколку голови во услови кога ние игравме без голман, со цел да има ист број ракометари во поле, направија серија од четири голови, а норвешкиот налет до паузата заврши со дури седум голови предност.

The post Паднавме во финишот: Против Норвешка од нерешено дојдовме до седум негатива на полувреме appeared first on Република.

Напаѓачот Карим Бензема ќе го пропушти Светското првенство во 2022 година, објави официјалниот сајт на Француската фудбалска федерација.

На 34-годишниот Французин му била констатирана повреда на квадрицепсниот мускул на левата надколеница, поради што фудбалерот на Реал Мадрид нема да биде во можност да насташи на Мундијалот во Катар.

Отсуството на најдобриот фудбалер во светот за оваа година е голем хендикеп за „триколорите“ кои пред Мундијалот се помеѓу топ фаворитите за освојување на трофејот.

Франција во групата Д ќе игра против Австралија (22 ноември), Данска (26 ноември) и Тунис (30 ноември).

The post Шок за светскиот шампион: Бензема ќе го пропушти Светското првенство appeared first on Република.

Селекторот на фудбалската репрезентација на Италија, Роберто Манчини, изјави дека се уште  натаму е разочаран поради тоа што Азурите нема да настапат на Светското првенство, што в недела почнува во Катар.

Италија е актуелен европски првак, а на патот до Мундијалот 2022 беше запрена од македонската репрезентација со шокантен пораз во март годинава во Палермо.

Ова ќе биде тежок месец за нас. Само што почна. Чувствуваме горчина во овој момент, но натпреварите мораат да се играат. Се чувствувам лошо уште од март. Тоа е фудбалот. После голема среќа, доаѓа големо разочарување и ние тука ништо не можеме да смениме. СП без Италија е поинакво, рече Манчини.

The post Манчини се уште не може да го прежали поразот од Македонија: Заслуживме да сме дел од Мундијалот во Катар appeared first on Република.