Официјален Киев соопшти дека Украина освоила нови територии во руската област Курск, каде што заробила дополнителен број руски војници и уништила авион.

Командантот на украинската армија, Олександр Сирски, во видео објавено на Телеграм изјави дека украинските сили напредувале еден до два километри во некои делови на Курск. Сирски додаде дека украинските сили заробиле над 100 руски војници, кои ќе бидат заменети за украински затвореници.

Украинската армија, исто така, уништила руски авион Су-34, кој бил користен за напади на позиции и градови во Украина.

Портпаролот на украинското Министерство за надворешни работи вчера изјави дека Киев инвазијата на руска територија ќе заврши кога ќе заврши војната во Украина

The post Украина се пофали оти заробила над сто руски војници appeared first on Република.

Рускиот претседател Владимир Путин денеска на телевизија изјави дека речиси 700.000 руски воен персонал моментално учествуваат во офанзивата во Украина, пренесоа француските медиуми.

Имаме речиси 700.000 луѓе (во областа на специјалната воена операција), рече Путин на телевизискиот состанок со војниците наградени за нивните воени подвизи.

Во декември минатата година рускиот претседател изјави дека војската вклучена во операцијата брои околу 617.000.

The post Путин: Во Украина се борат речиси 700.000 руски војници appeared first on Република.

Млади Украинки се пријавуваат на апликации за запознавање и добиваат важни информации од руски војници, кои ги предаваат на украинската тајна служба, пишува DW.

Девојките користат „платформи за запознавање“ и апликации како Телеграм за да воспостави контакт со околу стотина руски војници. На мрежите се претставуваат како Русинки која сакаат војници. Понекогаш поминуваат месеци за да ја стекнат нивната довербасо цел да извлече информации од нив.

Информации потоа им ги предаваат на украинските тајни служби кои ги користат во функција на војната.

The post Онлајн војна: Врели Украинки заведуваат руски војници преку апликации за запознавање appeared first on Република.

Руското Министерство за одбрана, соопшти дека најмалку 63 руски војници загинале во украински напад врз град во близина на Доњецк.

Украинските власти соопштија за уште поголем број загинати.

Според портпаролот на руското Министерство за одбрана, генерал Игор Конашенков, кој не го прецизираше точниот датум на нападот, четири ракети го погодиле „привремениот центар“ на руската војска во Макеевка, град под контрола на руските сили, источно од Доњецк.

Руските и украинските медиуми претходно јавија дека нападот на тој град бил извршен во ноќта меѓу саботата и неделата.

The post Руската армија потврди дека 63 руски војници загинале во украински напад кај Доњецк appeared first on Република.

На социјалните мрежи се појави снимка која наводно е направена во руска воена база.

Според западните и украинските медиуми, на видеото се гледа како руски војници се бунтуваат против лошите услови во воената база покриена со снег.

Десетици војници одлучиле да ја напуштат базата, при што ја урнале оградата и го напуштиле дворот, а во еден момент избила и тепачка.

Руските војници ја напуштија воената база“, тврди „Скај њуз“.

Снимката ја пренесоа и многу западни медиумски куќи, тврдејќи дека ја прикажува ситуацијата на руската армија во Украина.

Изворот на видеото, локацијата, како тоа дали навистина се работи за руски војници, засега не е е независно потврдено.

The post Избил бунт во руска база: Војници ја скршиле капијата и ја напуштиле касарната поради лошите услови appeared first on Република.

Американската претставничка за воени злосторства, Бет ван Шак, изјави дека САД се свесни за наводите дека украинските сили убиле заробени руски војници и порача дека сите страни би требало да сносат последици доколку извршиле злосторства за време на конфликтот.

Очигледно е дека тоа внимателно го следиме. Многу е важно да се нагласи дека законите на војната важат подеднакво за сите страни: и за државата агресор и за државата што ја брани, и во иста мера, изјави вчера Ван Шак за време на телефонски брифинг со новинари.

Британските медиуми пренесуваат дека таа, истовремено, истакна дека „сите страни во конфликтот мора да го почитуваат меѓународното право или да се соочат со последиците“.

Руското Министерство за одбрана во петокот посочи дека на социјалните мрежи биле објавени видео снимки на кои наводно се гледа како украински војници егзекутираат руски воени заробеници.

На снимката се гледа како руски војници лежат на земја откако очигледно се предале, а потоа се слуша пукање од автоматска пушка и на снимката се гледаат околу 12 тела.

The post САД се свесни за погубените заробени руски војници: Сите страни да сносат последици appeared first on Република.

Американскиот весник „Њујорк тајмс“ наведе дека видеото на кое се гледа како украинската армија убива заробени руски војници е автентична.

„Раша тудеј“ наведува дека на видеото се прикажани настаните што се случија во селото Макеевка во Луганск во средината на ноември. За потсетување, официјален Кремљ го обвини Киев дека украинската армија егзекутирала неколку руски војници.

Видеата, чиј кредибилитет го утврдивме, претставуваат ретка можност да се видат некои од ужасните ситуации на војната, но тие не покажуваат зошто биле убиени руските војници“, вели Њујорк Тајмс.

Весникот додава дека сè уште „останува мистерија“ што всушност се случило со војниците.

Меѓутоа, „Њујорк тајмс“ посочува дека, судејќи според видеото, „најмалку 11 Руси се убиени од непосредна близина откако еден од нивните соборци отвори оган врз украинските војници кои стоеја во близина“.

За потсетување, Украина претходно објави дека ја проверува автентичноста на видеото.

„Пред да започне истрага, мора да има основа за тоа. Во моментов утврдуваме дали овие видеа се лажни“, изјави тогаш портпаролот на главниот штаб Богдан Сеник.

The post „Њујорк тајмс“ потврдува дека Русите ја зборуваат вистината: Видеото на кое се гледа како украинската армија убива заробени руски војници е автентична appeared first on Република.

Портпаролката на руското Министерство за надворешни работи, Марија Захарова се закани дека ќе се одмаздат за убиените руски војници.

Таа бара меѓународните организации да го осудат злосторот и да поведат истрага.  Захарова вели дека вмешаните ќе бидат идентификувани и дека нема да ја избегнат одмаздата.  Таа вели дека Западот ги игнорира овие злосторства на Киев, со што САД и Европа се соучесници.

На 18 ноември, на интернет е објавено видео, на кое, наводно, украински војници убиваат руски затвореници. Снимките најпрво се појавија на украинските Телеграмски канали, а потоа ги објави руската провоена јавност.

Автентичноста на видеата од независни извори не е потврдена. Нејасно е и кога се направени. Украинскиот опозициски блогер Анатолиј Шариј, говорејќи од проруска позиција, тврди дека тој објавил еден од записите во неговиот затворен канал „пред неколку дена“. На едно од видеата, група воени лица, веројатно во униформа на руските вооружени сили, е заробена во дворот на станбена зграда, потоа се појавува човек со оружје, се слушаат истрели, а видеото нагло се прекинува.

Украина не го коментираше случајот.

The post Захарова побара меѓународните организации да поведат истрага за убиените руски затвореници appeared first on Република.

Руските војници, коишто се повлекоа од Херсон, им оставиле порака на Украинците во која се содржи детални упатства како треба да се однесуваат додека руските сили се „на одмор“.

Еве што се наведува во „куќниот ред“ на Херсон:

Драги Украинци, однесувајте се убаво.

 

Не заборавајте дека сте на територијата на Руската империја!

 

На одмор сме, наскоро ќе се вратиме.

 

1. Не го гужвајте мебелот!

 

2. Не вршете нужда на подот!

 

3. Не им пречете на минувачите!

 

4. Немојте да лаете навечер!

 

5. Затворете ја вратата поцврсто, има промаја!

 

6. Додека не се вратиме, ви препорачуваме да бидете уредни!

 

Во секоја соба има портрет на нашиот претседател, В.В. Путин, бакнувајте ја!!
Ќе дојдеме да провериме.

 

П.С. Бакнувајте го знамето секое утро и пејте ја химната на Русија!!!

 

Со љубов, СПЕЦИЈАЛНИ СИЛИ Русија

The post Руските сили оставиле „куќен ред“: Урнебесно упатство за однесување на украинските војници во Херсон appeared first on Република.

Украинскиот министер за одбрана Олексеј Резников ги повика руските војници да го положат оружјето, ветувајќи им „живот и безбедност“.

Сè уште можете да ја спасите Русија од трагедија и руската армија од понижување. Гарантираме веднаш живот, безбедност и правда за сите кои одбиваат да се борат - истакна Резников на руски јазик во видеото упатено до руските војници.

Тој додаде дека „ќе им се суди на тие што издале криминални наредби“.

The post Украина повторно ги повика руските војници да се предадат appeared first on Република.

Над 50.000 војници неделава ќе земат учество во големи воени маневри на руската армија.

Воената вежба, наречена „Восток 2022“, ќе опфати распоредување на 5.000 парчиња оружје и воена опрема, како и 140 авиони, 60 воени бродови и други пловни објекти - соопшти руското Министерство за одбрана.

Предвидено е маневрите да почнат во четврток и да траат до следната среда, а ќе се одржат на воените полигони за обука во источен Сибир и рускиот Далечен Исток, како и во Јапонското Море.

Наводно, војниците распоредени во странство, веќе пристигнале во областа за обука, вклучувајќи сили од Белорусија, Кина, Индија.

Според Министерството, целта на вежбата, што се одржва на шест месеци од почетокот на руската воена операција во Украина, е да се обезбеди воената безбедност на Русија и на нејзините сојузници.

The post Русија ќе прави воена вежба со над 50.000 војници и 5.000 парчиња воена опрема appeared first on Република.

Молдавските власти пред неколку дена ја сопреа ротацијата на рускиот мировен контингент во непризнатиот регион Придњестровје, што се наоѓа меѓу Молдавија и Украина.

Со таквата одлука, таму ќе остане постоечкиот руски контингент од 1.500 луѓе лоциран на линијата на поделба на реката Дњестар.

Официјална Москва се пожали на одлуката на властите во Кишињев да ја запрат ротацијата на руските војници во Придњестровје за да се замени контингентот со нови припадници на руските сили, кои со авиони „Иљушин 76“ од Крим, поточно од аеродромите Симерфолј и Заводска, требаше да бидат префрлени до аеродром во близина на Тираспол.

Молдавија го запре ваквиот транспорт, како што наведе, од страв дека на тој начин Москва ќе префрли значително руско засилување во областа под изговор на ротација.

По ваквата објава на молдавските власти, украинската армија објави соопштение во врска со Приднестровје, во кое изрази подготвеност дека единиците од областа Одеса се подготвени да и помогнат на Молдавија да ги отстрани 1.500 припадници на руската армија од тој регион.

Многумина го поддржаа овој план. Деновиве специјалната молдавска полициска единица „Фулгер“ со своите оклопни возила БТР-70 тргна од Кишињев кон полигон на вежби, за кои надлежните изјавија дека немаат никаква врска со моменталната ситуација и тензиите на реката Дњестар.

И резервистите на молдавската армија се упатија на обука која почна на 22 јули и ќе трае до 29 јули. Како што се наведува, целта на вежбата е да се проверат знаењата и вештините на резервистите за ракување со оружје и воена опрема.

The post Се понапнато во Придњестровје: Молдавија ја запре ротацијата на руските сили, Украина се понуди целосно да ги отстрани appeared first on Република.

САД проценуваат дека руските загуби во Украина достигнале околу 15.000, а има и можеби 45.000 ранети, изјави директорот на ЦИА Вилијам Барнс, додавајќи дека и Украина исто така претрпела значителни загуби. Тоа е значително помала бројка од таа што ја дава официјален Киев, од каде тврдат дека во Украина досега загинале околу 35.000 руски војници.

Речиси пет месеци откако рускиот претседател Владимир Путин нареди воена операција во Украина, нејзините сили полека го освојуваат регионот Донбас во источна Украина и во моментов држат под контола околу една петтина од земјата.

Барнс, говорејќи на форумот за безбедност во Аспен во Колорадо, изјави дека тие придобивки имаат висока цена.

Последните проценки на американската разузнавачка заедница би биле нешто во близина на 15.000 (руски сили) убиени и можеби трипати повеќе повредени. Значи, прилично значителни загуби. И Украинците исто така претрпеа, веројатно малку помалку од тоа, но, знаете, значителни загуби - изјави Барнс.

Русија ја класифицира смртта на членовите на нејзините вооружени сили како државна тајна дури и во мирнодопски услови и често не ги ажурираше официјалните податоци за жртвите за време на војната. На 25 март беше објавено дека загинале 1.351 руски војник.

Владата во Киев во јуни соопшти дека дневно гинат од 100 до 200 украински војници.

Рускиот министер за надворешни работи Сергеј Лавров вчера порача дека воените „цели“ на Москва во Украина ќе се прошират доколку Западот продолжи да го снабдува Киев со оружје со голем дострел, како што се артилериски ракетни системи за висока мобилност (ХИМАРС) од САД.

Ова значи дека географските задачи ќе се протегаат уште подалеку од сегашната линија - изјави тој.

Но, Барнс рече дека концентрацијата на силите на руската војска во Донбас, барем засега, сугерира дека тие научиле тешки лекции од неуспехот на почетокот на кампањата, „каде што Москва заглави во нападот врз Киев“.

Во извесна смисла, она што го направи руската војска е повлекување на „полесен“ начин на војна, во извесна смисла, користејќи ги своите предности и огнената моќ на долг дострел за да се спротивстави и ефикасно да ги уништи украинските цели и да ги компензира слабостите на работна сила што тие сè уште ги имаат - изјави Барнс.

The post ЦИА дава дупло помала проценка за руските загуби во Украина од таа на официјален Киев appeared first on Република.

Министерството за одбрана на Русија соопшти дека рускиот министер за одбрана, Сергеј Шојгу, извршил инспекција на руските војници во Украина.

На командните пунктови на руските единици, армискиот генерал Сергеј Шојгу ги слушаше извештаите на командантите за моменталната состојба и акциите на руските вооружени сили во главните оперативни области - се вели во соопштението на Министерството, пренесува РИА Новости.

Според агенцијата, не е објавено местото каде што престојувал Шојгу.

The post Сергеј Шојгу извршил инспекција на руските единици во Украина appeared first on Република.

Стотици руски војници побегнале од борбите во Украина или одбиле да учествуваат во акциите, пишува „Волстрит џурнал“ (ВСЏ), повикувајќи се на документацијата до која имале пристап. Воени аналитичари и украински официјални лица тврдат дека има уште многу руски дезертери.

Пентагон во април процени дека руската армија изгубила околу четвртина од своите сили во Украина. Дезертерството и одбивањето на наредбите го влошуваат проблемот.

Руските власти имаат проблем како да ги казнат дезертерите без да привлечат поголемо внимание на јавноста. На армијата и недостигаат луѓе, па бараат дојденци за да ја свртат ситуацијата во Украина, пренесува ВСЏ.

Дезертерството досега не е построго казнувано, а казните главно се ограничени на отказ. Бидејќи Русија не и објави војна на Украина, нема правна основа за кривични пријави против оние кои одбиваат да учествуваат во воени операции во странство - тврди адвокатот Михаил Бењаш, поранешен помошник воен обвинител кој ги брани војниците отпуштени поради непослушност.

Бенјаш претставува десетина членови на Националната гарда, единица што ја користи владата за задушување на протестите во Русија. Стражарите се пожалиле дека биле отпуштени откако во февруари ја одбиле наредбата да влезат во Украина.

Бењаш тврди дека за неколку дена по руската воена операција во Украина на 24 февруари, повеќе од 1.000 припадници на Националната гарда и на МВР побарале правна помош.

На 17 март, руската група за човекови права „Агора“ отвори канал Телеграм каде членовите на Гардата и нивните роднини можеа да побараат совет и правна помош. Лидерот на „Агора“ Павел Чиков вели дека во рок од десет дена им се јавиле 721 припадник на армијата и безбедносните сили.

Воен декрет на 4 март, потпишан од командантот на руската база, нареди ослободување на неколку стотици војници кои ја одбиле наредбата во близина на границата со Украина. На 25 мај, воен судија во Налчик ги отфрли жалбите на 115 отпуштени руски гардисти.

Рускиот закон предвидува до десет години затвор за пензионираните воени лица. Дезертерите можат да бидат поштедени од казна ако докажат дека биле под огромен притисок или дека имале лични проблеми што ги натерале да побегнат. Стражарите исто така имаат право да ги одбијат наредбите што ги сметаат за незаконски.

Досега казната за одбивање на наредба беше отпуштање војници без враќање на заостанатите плати. Ако го привлече вниманието на јавноста за ваквите случаи, владата ненамерно би го зголемила размерот на дезертерството, кој е мал во проценти - вели рускиот воен експерт Павел Лузин.

Аудио снимка објавена на 22 април од руската независна медиумска куќа „Медијазон“ се слуша како командантот на база им кажува на војниците дека не можат да заминат.

Ако не одите таму, ќе поминете 15 години шетајќи низ затворски двор - им се заканувал.

Се слуша како војник одговара дека неговите адвокати му рекле дека нема да оди во затвор затоа што одбил да се бори во Украина.

Доведете ги вашите адвокати овде. Ќе разговараме со нив - одговора командантот.

Западните разузнавачки служби тврдат дека имаат многу докази за хаос и неред меѓу руските сили во Украина.

Претставник на Пентагон, минатиот месец изјави за новинарите дека руските офицери од среден ранг или одбиле да ги почитуваат наредбите или не ги почитувале соодветно. Во Првата чеченска војна, од 1994 до 1996 година, илјадници руски војници дезертираа. Тие беа испратени да се борат во планините на Кавказ, често по нешто повеќе од еден месец обука. После тоа, Москва воведе построги казни за дезертерите, со максимална казна од десет години затвор.

Загрозени се адвокатите кои ги бранат руските дезертери, како и новинарите кои известуваат за случаите. На 13 април, адвокатот Бењаш беше обвинет за „дискрредитирање на руските вооружени сили“ поради изјавите што ги дал на Јутјуб. Поради тоа добил отказ од военото обвинителство. Случајот оттогаш е отфрлен.

Истиот ден беше уапсен Михаил Афанасиев, новинар кој објави напис за 11 припадници на Националната гарда во Сибир кои ја одбија наредбата да влезат во Украина. Тој е обвинет за ширење „лажни вести“ за руската армија и му се закануваат десет години затвор.

Многу војници кои одбиваат наредба да одат во Украина веруваат дека е полесно да се ризикува судење отколку да се ризикува животот во борба - вели поранешниот обвинител и денешен адвокат Михаил Бења.

Во меѓувреме, „Дејли мејл“ објави дека регрутираните руски борци се побуниле пред камерите бидејќи биле испратени во првите редови без опрема, лекови и храна.

Во снимката објавена на Телеграм војниците велат дека со месеци се борат во „глад и студ“ без соодветна опрема и медицинска нега. Нивниот командант вели дека мажи со хронични здравствени проблеми, кои не требало да бидат регрутирани, биле испратени во војна, заедно со луѓе кои се старатели или имаат мали деца.

The post Западни медиуми: Има се повеќе руски дезертери, не се плашат од казна, попрво би останале живи отколку да се борат без опрема, храна, лекови appeared first on Република.

Украински суд осуди двајца руски војници на 11,5 години затвор поради гранатирање град во источниот дел на Украина.

Тоа е втора пресуда за воени злосторства од почетокот на руската инвазија во февруари.

Александар Бобикин и Александар Иванов минатата недела се изјаснија за виновни.

Вината на Бобикин и Иванов целосно е докажана, изјави судијата Евген Болибок.

Според обвинителите, гранатирањето уништило образовна установа во градот Дергачи, но, немало човечки жртви.

Двајцата војници, опишани како возач и стрелец, се заробени откако ја преминале границата и продолжиле со гранатирање. Обвинителите бараа затворска казна од 12 години, а одбраната наведе оти двајцата извршеле наредби и се покајале.

Со првата пресуда за воено злосторство во Украина, 21-годишен руски војник доби казна доживотен затвор поради убивање невооружен цивил

The post Двајца руски војници осудени на 11,5 години затвор во Украина appeared first on Република.

Молдавската премиерка Наталија Гаврилица, изјави дека Молдавија, со помош на ОН, бара повлекување на руската армија од територијата на Придњестровје, бидејќи сака да се најде мирно решение за конфликтот.

Молдавија ја користи платформата на ОН за да побара повлекување на руската армија од придњестровската територија на Молдавија и да привлече внимание на кршењето на човековите права во регионот, кои се под контрола на непризнаен режим. Поради присуството на овие теми во резолуциите на ОН, проблемот со конфликтот во Придњестровје е на агендата на светската заедница - изјави Гаврилица на брифинг.

Според неа, официјален Кишињев сака да најде мирно решение за конфликтот, што ќе овозможи развој на земјата за доброто на сите граѓани, пренесе агенцијата РИА Новости.

Во јуни 2018 година, Генералното собрание на ОН ја повика Русија да ги повлече своите трупи од Придњестровје. Резолуцијата ја поддржаа 64 земји, 14 беа против, а други 83 земји беа воздржани.

Во 1992 година, по неуспешниот обид на молдавските власти да го решат проблемот со сила, Приднестровје практично стана територија која не е контролирана од Кишињев, а во неа се распоредени руски трупи кои го одржуваат мирот.

The post Молдавија бара повлекување на руските трупи од Придњестровје appeared first on Република.

Украинската армија соопшти дека повторно ги ракетирала руските позиции на Змискиот Остров.

Според украинската армија во нападот убиени се 42 руски војници.

Исто така се наведува дека се погодени системите за противвоздушна одбрана и комуникациски центар

The post 42 руски војници убиени на Змискиот остров appeared first on Република.

Британскиот министер за полиција, Кит Малтхаус, изјави дека Велика Британија би можела да воведе санкции за руски војници и генерали осомничени дека извршиле наводни воени злосторства во Украина.

Во изјава за „Скај њуз“, Малтхаус рече дека е важно доказите за наводните злосторства да бидат собрани што е можно повнимателно додека конфликтот продолжува.

Додека ова е во тек, можеме да воведеме мерки на домашно ниво за санкции што можеме да ги наметнеме на поединци, вклучително и борци, генерали и други вклучени, за да навестиме дека ја признаваме нивната улога во овој ужасен напад врз слободна демократска земја - изјави Малтхаус, пренесе „Гардијан“.

The post Велика Британија размислува да воведе санкции за руски војници и генерали appeared first on Република.

Руски медиуми соопштија дека руските војници ги спасиле украинските пилоти на соборените хеликоптери Ми-8 додека се обидувале да ги евакуираат водачите на екстремистичкиот баталјон „Азов“ од Мариупол.

Како што претходно соопшти руското Министерство за одбрана, на 5 април руската армија собори два хеликоптери Ми-8 на украинската армија кои се обидоа да се пробијат до градот од морето во обид да ги евакуираат водачите на „Азов“.

Екипажот на еден хеликоптер го сочинувале пилотот Дмитриј Бурлаков и пилотот-стрелец Иван Гавриленко, кои преживеале благодарение на припадниците на руската армија кои ги префрлиле во воената болница во Мариупол.

Им благодарам многу. Ме собраа од хеликоптерот додека лежев. Не ме оставија да умрам - вели Бурлаков.

И Гавриленко им се заблагодарува на руските војници што му го спасиле животот.

Според лекарите, Бурлаков бил во многу тешка состојба, но му била укажана стручна помош и неговата состојба сега е стабилна.

The post Руски војници ги спасиле украинските пилоти од соборените хеликоптери во Мариупол appeared first on Република.