Мунир Насрауи, таткото на играчот од средниот ред на Барселона, Ламин Јамал, е пуштен од болница, пренесува „Marca“.

На 14 август тој беше хоспитализиран во тешка состојба откако беше избоден со нож. Беше објавено дека бил нападнат на паркинг во градот Матаро, дел од провинцијата Барселона.

Тројца од четворицата напаѓачи се ослободени со кауција. Еден осомничен кој го избоде Насрави останува во притвор.

Според шпанските закони, напаѓачот се соочува со затворска казна од пет до десет години за обид за убиство.

The post Таткото на Јамал излезе од болница: Напаѓачот ќе одговара за обид за убиство appeared first on Република.

Пентагон потврди дека напаѓачот на поранешниот американски претседател Доналд Трамп, Томас Метју Крукс, немал врска со војската.

Потврдивме со секој огранок на војската дека нема воена припадност на осомничениот со тоа име или датум на раѓање во која било гранка, активна или резервна компонента во нивните соодветни бази на податоци“, рече портпаролот на Пентагон, генерал-мајор Патрик С. Рајдер, пренесе Би-би-си.

Трамп беше повреден во пукање во саботата вечерта за време на митинг во Батлер, Пенсилванија.

Според американската тајна служба, напаѓачот и најмалку еден посетител на состанокот биле убиени, а уште две лица кои присуствувале на состанокот биле тешко повредени.

ФБИ соопшти дека 20-годишниот Томас Метју Крукс, кој беше убиен, е идентификуван како осомничен за обидот за атентат врз Трамп.

The post Пентагон потврди: Напаѓачот на Доналд Трамп немал никаква врска со армијата appeared first on Република.

Германската полиција во Хамбург застрелала човек кој се обидел да ги нападне минувачите со секира. Инцидентот се случил во близина на навивачката зоната каде има околу 40.000 холандски навивачи.

Според германскиот весник Билд, напаѓачот се придружил на толпата и ги нападнал навивачите и обезбедувањето.

Во Хамбург се игра натпревар од Европското фудбалско првенство помеѓу Холандија и Полска.

Локалните медиуми објавија дека полицијата употребила бибер спреј против напаѓачот пред да пука. Еден полицаец прво испукал предупредувачки истрел, а потоа неколку други истрели биле испукани кон напаѓачот, кој паднал на земја. Напаѓачот е тешко повреден и му е укажана лекарска помош.

Полицијата соопшти дека напаѓачот имал и запаливо средство, најверојатно некаков молотов коктел.

The post Се приближил до луѓето па почнал да мавта со секира: Германската полиција застрела напаѓач во навивачката зона во Хамбург appeared first on Република.

Француската полиција уби вооружен маж кој се обиде да запали синагога во северозападниот град Руан, соопшти францускиот министер за внатрешни работи.

Мажот бил вооружен со нож, а кога тргнал кон полицајците, тие го застрелале, се вели во извештаите.

Градоначалникот на Руан Николас Мајер-Росињаол изјави дека нападот на синагогата не ја погодува само еврејската заедница, туку дека целиот град е во шок.

Според локалните извештаи, полицијата била повикана околу 6:45 часот откако бил забележан чад како се крева од синагогата.

Кога полицијата пристигнала на местото на настанот, еден од полицајците застрелал маж кој бил вооружен со нож и железна шипка.

The post Напад на синагога во Франција, полицијата го уби напаѓачот appeared first on Република.

Американската полиција вчера пукаше и уби ученик пред средно училиште во Висконсин, откако прими пријава за вооружен напаѓач на училишна територија, изјави денеска државниот јавен обвинител Џош Каул.

Тој додаде дека локалните училишта биле блокирани неколку часа и оти се слушале истрели, поради што децата избегале.

Пред неговата изјава, полицијата соопшти дека напаѓачот бил „неутрализиран“ пред училишната зграда на гимназијата Маунт Хореб. Каул синоќа изјави дека никој друг не е повреден и оти истрагата е во тек.

Овој инцидент се случи на отворено. Напаѓачот во овој случај не влегол во зградата, рече тој.

Властите го опишаа ученикот како малолетно лице, но не ја наведоа неговата возраст, ниту пак посочија во кое училиште одел во округот Маунт Хореб.

Каул одби да одговори на неколку прашања за тоа што се случило откако полицијата реагирала, вклучително и дали ученикот пукал со оружје, каков тип на оружје имал и дали се обидел да влезе во училиштето.

The post Полицијата во Висконсин застрелала вооружен напаѓач пред средно училиште appeared first on Република.

Во тек е голема полициска операција по извештаите за избодени повеќе луѓе во трговски центар во близина на плажата Бонди во Сиднеј. Според првичните информации, загинале најмалку шест лица. Полицијата го уби напаѓачот, соопштија од итната служба на Нов Јужен Велс. Стотици луѓе беа евакуирани од трговскиот центар „Вестфилд Бонди Џанкшн“.

На конференцијата пред медиумите се обрати помошник началникот на полицијата Ентони Кук. Тој потврди дека напаѓачот е убиен.

Полицајката се соочила со напаѓачот кој во тој момент се наоѓал на петтиот кат од трговскиот центар. Таа брзо тргнала за да го стигне. Тој се свртел кон неа и подигнал нож. Таа го застрелала и го убила. Ме информираа дека како резултат на дејствијата на овој напаѓач загинале вкупно шест лица. Според прелиминарните истраги, се чини дека напаѓачот дејствувал самостојно - рекол Кук.

Од полицијата додаваат дека се уште не го знаат мотивот за овој напад и дека се уште не е исклучена можноста за тероризам.

Ова беше ужасен чин на насилство насочен кон невини луѓе кои беа на шопинг во оваа обична сабота. Нашето најдлабоко сочувство го изразуваме до сите што изгубиле некого. И сите мислиме на посветените лекари, медицински сестри и здравствени работници кои ќе работат во текот на ноќта за да спасат животи и да се грижат за своите сограѓани Австралијци - рече австралискиот премиер Ентони Албанезе во своето обраќање до јавноста.

Денеска ова беше сцена на шокантно насилство, но бевме сведоци и на хуманоста и херојството на нашите сограѓани Австралијци, додал тој.

Нашата полиција, сите служби и, се разбира, обичните луѓе кои никогаш не можеа да замислат дека ќе се најдат во таква ситуација, снимија прилично неверојатни сцени. Персоналот требаше да помине нормална смена со клиентите кои мирно ги живеат своите животи. Сепак, за тие Австралијци, нивниот прв инстинкт во опасност беше да им помогнат на другите и тоа е она за што се залагаме вечерва - рече Албанезе.

The post Полицајка го уби напаѓачот од Сиднеј: Тргна по него, тој се сврте и го крена ножот appeared first on Република.

Чешката полиција денеска објави ново видео од нападот од зградата на Филозофскиот факултет на Карловиот универзитет во Прага, каде напаѓачот уби 14 лица, а рани уште 25. Тие, на прес-конференција, објавија и нови детали и потврдија дека напаѓачот се самоуби по масакрот.

Во престрелката на Филозофскиот факултет загинаа 14 студенти и други лица, а убиен е и насилникот. Вкупно 15 загинати, изјави директорот на прашката полиција Матејчек.

Министерот за внатрешни работи Вит Ракушан претходно изјави дека вкупниот број на жртви е 13, а четиринаесеттиот загинат е напаѓачот. Напаѓачот од ходникот на Филозофскиот факултет ранил и три лица на улица.

Кога полицијата му пришла и го опколила, тој се застрелал со пушка. Напаѓачот од колеџот удрил во едно цивилно и едно полициско возило.

Во акцијата против него учествувале стотици полицајци и никој од нив не е повреден. Директорот на полицијата изјави дека полициските единици биле активни надвор од зградата, но и внатре во неа. Тој додаде дека не се сигурни дали напаѓачот има помошници, поради што евакуираните студенти морале да заминат со кренати раце. Тој повтори дека сите жртви се идентификувани и рече дека се информирани сите нивни семејства.

Полицијата соопшти дека студентите се забарикадирале во просториите на зградата на универзитетот, а полицијата одела кат по кат за да ги извлече. Во некои случаи, додаваат тие, полицајците морале да употребат сила за да влезат и да ги извлечат студентите.

Создадовме безбеден коридор и низ тој безбеден коридор на сите им беше кажано да излезат, изјави полициски функционер за новинарите.

Началникот на полицијата во Прага вели дека верува оти брзото пристигнување на полицијата спречило натамошно крвопролевање.

-Видов купишта муниција по ходниците, беше неверојатно, се сеќава тој. Тој верува дека напаѓачот би продолжил да пука во луѓето доколку не отишол на балконот на универзитетот, „каде на крајот умрел“.

Главниот истражител потврди дека полицијата ја разгледува можноста дека напаѓачот е поврзан со убиството на две лица во шума во близина на Прага минатата недела.

Шефот на службата за итни случаи во Прага, рече дека досега собраните докази од теренот укажуваат дека масовниот убиец од универзитетот е извршител на убиствата во шумата Клановички, каде што беа убиени таткото и бебето.

Но, ние чекаме балистички докази за да го потврдиме ова. Дотогаш ќе продолжиме да го истражуваме ова кривично дело. Засега тоа не можеме да го потврдиме со 100 проценти сигурност, рече тој.

The post Чешката полиција потврди дека напаѓачот од Прага се самоубил appeared first on Република.

Тунис побарал екстрадиција на радикализираниот Тунижанец кој во понеделникот уби двајца Швеѓани во Брисел, откако во 2011 година побегнал од затвор во кој издржувал 26-годишна затворска казна, а белгиските власти го добиле барањето минатата година, објави јавното обвинителство во Брисел.

Барањето за екстрадиција, кое белгиските власти го добиле во август 2022 година, потоа не било обработено од надлежниот судија од државното правобранителство во Брисел, до кого било проследено две седмици подоцна. Станувазбор за „огромна грешка“ што резултираше со оставка на белгискиот министер за правда Винсент Ван Квикенборн во петокот вечерта.

Во неделата, шефот на канцеларијата на јавното обвинителство во Брисел, Тим Де Волф, изјави за новинарите дека „сериозен недостиг од персонал во канцеларијата на јавното обвинителство во Брисел одигра улога во сево ова“, но дека „тоа не е оправдување“.

Призна дека откако било примено, досието несомнено било заборавено меѓу останатите судски предмети во фиока.

„Никој од колегите кои беа инволвирани во овој случај не се сеќава што конкретно се случило со ова досие пред една година. Нема траги од понатамошна обработка“, објасни Де Волф.

Сторителот на нападот во понеделникот вечерта, Абдесалем Ласуед, бил осуден „на повеќе од 26 години затвор во Тунис во 2005 година, но избегал од таму во јануари 2011 година“. Обвинителството соопшти дека туниските власти тоа „го пријавиле на 1. јули 2022 година преку Интерпол“. Но, тогаш во документот се споменува само барање за негова екстрадиција „поради бегство од затвор“, што според белгискиот закон не е прекршок.

Во саботата вечерта министерката за внатрешни работи Анели Верлинден објасни дека поради недостиг од поединости во првата „црвена потерница“ на Интерпол во потрага по Ласуед, случајот веднаш не добил правен третман.

Во неделата обвинителството не прецизираше зошто Тунижанецот е осуден во неговата земја. Неколку белгиски весници пишуваат дека Ласуед е прогласен за виновен за неколку обиди за убиства.

Нападот, чија цел беа шведските фудбалски навивачи во понеделникот вечерта, пред квалификацискиот натпревар за ЕУРО 2024 против Белгија, повторно ја разгоре дебатата за степенот до кој белгиските безбедносни сили се способни да ги следат радикализираните поединци, особено службата за имиграција.

Според првите елементи од истрагата, Абдесалем ал-Ѓулани, како што беше идентификуваа осомничениот убиец кој загина во престрелка со белгиската полиција, тунискиот државјанин нелегално живеел во бриселскиот квар Схарбек. Тој во ноември 2019 година поднел барање за азил, кое било одбиено една година подоцна. Меѓутоа, полиција потоа не успеала да го пронајде за да му го врачи решението дека мора да ја напушти Белгија. Полицијата го сомничела и за трговија со луѓе, нелегален престој во земјата и напад врз безбедноста на државата.

The post Во летото 2022-та белгиските власти добиле барање за екстрадиција на напаѓачот од Брисел appeared first on Република.

На влезот на посетениот лондонски Британски музеј во напад со нож е избоден маж а напаѓачот е уапсен, објави во вторникот полицијата исклучувајќи ја можноста дека станува збор за терористички напад.

Според наводите на некои од британските медиуми евакуирани се сите посетители на една од најпосетените туристички дестинации на британската престолнина и музеј во кој, меѓу другите експонати се и славните каменот од Розета и мермерот од Партенон.

Бројни посетители на музејот информацијата, исто така, ја објавија на социјалните мрежи.

Полицијата соопшти дека „нема поголема опасност за јавноста“. Во соопштението, меѓу другото, се наведува дека Скотланд Јард интервенирал поради „изолиран инцидент кој не се смета за терористички напад“ околу 10 часот по локално време.

Во објавата се истакнува дека еден маж со убодна рана е пренесен во болница, а друг по ицидентот е „приведен поради нападот и нанесување телесни повреди“. Инцидентот се случил на крстосницата на улиците на кои се наоѓа главниот влез во Британскиот музеј.

Британската јавност последните години веднаш со внимание реагира на ваквите инцицентит, откако беа изведен десетици такви напади со студено оружје од кои повеќето со џихадистичка заднина. Покрај тоа, во Обединетото Кралство кривичните дела сторени со студено оружје се чести, бидејќи во земјата поседувањето огнено оружје исклучително строго се контролира.

The post Напад со нож пред лондонскиот Британски музеј appeared first on Република.

Шпанскиот фудбал е завиен во црно, откако една од најголемите легенди, Луис Суарез Мирамонтес почина утрово на 88-годишна возраст.

Суарез починал по кратко боледување и оваа вест прв ја објави Интер, а потоа и сите шпански медиуми.

Мирамонтес ја освои шпанската јавност поради наследството кое го остави како фудбалер, но и слеектор на репрезентацијата на Шпанија од 1988 до 1991 година.

Поранешниот фудбалер е роден во Ла Коруња и ја почна кариерата во Депортиво, а потоа шест години помина во Барселона и ја освои „Златната топка“, а кариерата ја завршува во Италија, каде што игра за Интер и Сампдорија.

The post Тага во светот на фудбалот: Почина легендарниот напаѓач и освојувач на Златната топка appeared first on Република.

Уапсен е напаѓачот, кој во хрватскиот град Сисак со калашњиков пукаше врз група луѓе, при што едно лице загина, а неколкумина се ранети.

По пукањето напаѓачот со часови бил во бегство, а нешто по 1 часот по полноќ е уапсен.

Маж кој е поврзан со пукањето во областа Сисак е уапсен, тој е донесен во службените простории на полицијата и против него ќе се води кривична истрага, соопшти хрватската полиција.

Во престрелката е убиена 45-годишна жена, додека четири лица се ранети. Лекарска помош им е укажана во Општата болница Сисак, каде е констатирано дека се тешко повредени. Медицинска помош им била укажана на две лица, меѓу кои и едно дете, кои биле полесно повредени додека бегале.

Во наведениот настан целосно опожарени се две семејни куќи и еден автомобил, а делумно опожарени една куќа и еден автомобил, соопшти полицијата.

Според хрватските медиуми, станува збор за маж на околу 60 години кој имал психички проблеми. Насилникот наводно дошол во куќата на соседот, пукал кон нив и запалил две куќи на соседот.

Пукањето се случило во близина на рафинеријата во Сисак. Засега нема официјални информации зошто напаѓачот пукал врз луѓето.

The post Дошол во куќата на соседот, пукал кон нив и запалил две куќи: Уапсен човекот кој пукаше во Сисак appeared first on Република.

Крвавиот масакр кај Младеновац, во близина на Белград, го извршил Урош Б.(21), објавија српските медиуми. Телеграф јавува дека напаѓачот не е осудуван, но дека претходно бил пријавуван за насилство.

По расправија во училишниот двор тој уби најмалку осум лица, иако неофицијалните информации велат дека се убиени десет. Повеќе од десет се ранети, а некои се реанимирани.

Повеќе медиуми објавија и дека тој се наоѓа во селото Шепшин кое е под опсада на полицијата. Тој преговара со полицајците, но не сака да се предаде. Стравувањата, како што јави Н1 ТВ, се дека може да држи и заложници.

Во акцијата се вклучени сите специјални единици на српското МВР, ангажирани се и хеликоптери и дронови, а на терен се и бројни медицински екипи. Медиумите во Србија пишуваат дека 600 полициски припадници се ангажирани во неговото апсење.

Според последните неофицијални информации тој е опколен во село Шепшин и пука во полицијата. Во крвавиот поход, според некои информации, пукал во дури 18 луѓе, бегајќи низ две села. За Урош Б., во селото велат дека бил малку чуден, но дека никој не посветувал премногу внимание на тоа.

https://republika.mk/vesti/balkan/nov-masakr-vo-srbija-odel-vo-tri-sela-kaj-mledenovats-i-ubil-osum-luge-megu-koi-i-detsa/

The post 600 полициски припадници го бараат напаѓачот кај Младеновац кој уби најмалку осум лица во крвавиот масакр appeared first on Република.

Илија Спасески, кој го нападна 21-годишниот Христијан Пендиков, веќе е на слобода, јави репортерот на БГНЕС.

Судот ја преиначи мерката „притвор“ по истекот на рокот од 30 дена.

Во моментов Спасески е дома, но со одземен пасош.

Спасески е професионален натпреварувач во џиу-џицу. Член е на карате клубот „Кун-су-то“ од Охрид. Спасески учествувал на професионални натпревари и од нив освоил бројни награди.

The post Напаѓачот на Пендиков на слобода, одземен му е пасошот appeared first on Република.

Јавен обвинител од Основното јавно обвинителство Скопје поведе постапка против 67-годишно лице осомничено за насилство врз новинарска екипа.

– Пријавениот, на 14 ноември, со грубо навредување и грубо насилство ја загрозил сигурноста на снимател од новинарска екипа, додека кај присутните сведоци – новинар и возач на телевизиската екипа предизвикал чувство на несигурност, загрозување и страв. Осомничениот најпрвин упатил погрдни зборови и пцовки кон новинарската екипа која снимала прилог, а потоа и физички го нападнал снимателот, удирајќи го со лактот во вилицата и нанесувајќи му телесна повреда – набиеница, информираат од ОЈО Скопје.

Оттаму велат дека бидејќи постојат околности кои упатуваат на опасност осомничениот да се даде во бегство, како и особени околности врзани со начинот на извршување на делото кои укажуваат дека тој би можел да го повтори делото, надлежниот јавен обвинител до судијата на претходна постапка достави предлог за определување мерка – куќен притвор​.

The post Предложен куќен притвор за напаѓачот на новинарска екипа appeared first on Република.

Во главниот град на американската сојузна држава Северна Каролина, Роли, денеска е уапсен вооружен маж, откако претходно убил пет лица, вклучувајќи и полицаец кој не бил на должност, соопштија градските власти.

Осомничениот за нападот, за кој засега ништо не се знае, ранил неколку лица, меѓу кои и полицаец кој работел со кучиња.

Неговиот живот не е во опасност, изјави претходно градоначалничката Мери-Ен Болдвин, изразувајќи жалење за тажниот и трагичен ден.

Првите истрели се слушнале нешто по 17 часот (23 часот по средноевропско време) на патеката во градот со 500.000 жители, главниот град на Северна Каролина.

Голем број припадници на полициските сили веднаш биле распоредени да го пронајдат сторителот, наведуваат локалните медиуми.

Го видов како минува пред мојата куќа, во градината. Имаше ловечка пушка со долга цевка и носеше маскирна униформа, изјави Роберт, сведок кој сакаше да остане анонимен, за локалната мрежа ВРАЛ (WRAL).

Градоначалничката Болдвин, на прес-конференција кажа дека „полицијата на Ралији околу 20 часот успеала да го опколи осомничениот”.

Осомничениот е во притвор, објави полицијата на Твитер.

Агенциите претходно јавија за шест смртни случаи во пукотницата.

Пукањата со смртни последици се редовна појава во САД, земјата која плаќа висока цена затоа што голем број луѓе поседуваат огнено оружје, што лесно се добива.

Во борбата против ова зло, мораме да направиме многу повеќе, повика видно потресената градоначалничка на главниот град на Северна Каролина.

Во 2021 година во САД од огнено оружје беа убиени околу 49.000 лица, додека година претходно беа застрелани 45.000, која важеше за година со најголем број жртви. Тоа е повеќе од 130 смртни случаи дневно, од кои повеќе од половината се самоубиства.

The post Во главниот град на Северна Каролина уапсен вооружен напаѓач, кој претходно убил пет лица appeared first on Република.

Напаѓачот кој денеска уби најмалку 34 лица, меѓу кои и деца во градинка во североисточниот дел на Тајланд, ги убил и својата сопруга и детето, а потоа се самоубил, изјави портпаролот на полицијата.

Тој рече дека напаѓачот бил поранешен полицаец, а меѓу жртвите имало најмалку 22 деца

Пукањето се случило во градинка во Нонг Буа Лампу.

Како што јави Би-Би-Си, напаѓачот денеска со огнено оружје и нож ги убил своите жртви.

The post Тајландскиот напаѓач кој уби 34 лица, меѓу кои сопругата и детето, се самоубил по нападот во градинка appeared first on Република.

Црногорската полиција во вторникот во размена на оган го убила напаѓачот кој пукал врз полицајците во текот на истрагата за бомбашки напад врз куќата на еден полициски службеник во Подгорица.

Како што соопшти црногорската полициска управа, во вторникот рано утрото во подгоричката населба Коник, врз куќата на еден полицаец биле фрлени две бомби од кои едната експлодирала. Потоа следела полициска истрага во којашто идентификувани се две осомничени лица. Во текот на нивното идентификувања и обид за приведување, едно од лицата отворило оган кон полицијата.

Полицијата идентификуваше две осомничени лица од кои едно отвори оган во правец на полициските службеници, по што тие употребија огнено оружје и притоа Фадил Кољиќ е тешко ранет и пренесен во Клиничкиот центар на Црна Гора на укажување лекарска помош. По здобиените повреди почина, соопшти црногорската полиција додавајќи дека вториот осомничен е уапсен.

The post Во престрелка во Црна Гора полицијата го застрела напаѓачот appeared first on Република.

Избезумен човек влегол во зграда на улицата „Адмирал Гепрат“ во Белград, извадил нож и со него почнал да боде луѓе.

Како што објавија српските медиуми, полицијата брзо реагирала и го совладала напаѓачот. Мотивите за нападот засега се непознати.

Нападот се случил спроти црквата Вознесение, набрзо пристигнала брза помош, а повредените биле згрижени.

The post Крвава случка во центарот на Белград: Избезумен човек упаднал во зграда и бодел луѓе еден по еден appeared first on Република.

Хади Матар (24), кој е обвинет за прободување на писателот Салман Ружди во американската сојузна држава Њујорк, се изјасни за невин за обид за убиство и напад од втор степен.

Судот одлучи да го задржи во притвор без кауција.

Матар е обвинет дека го повредил Ружди минатата недела пред авторот на „Сатански стихови“ да одржи предавање во образовен центар во близина на езерото Ири.

Ружди беше хоспитализиран со тешки повреди, а писатели и политичари од целиот свет оценија дека ова е напад на слободата на изразување.

Доколку биде прогласен за виновен, на Матар му се заканува затворска казна до 25 години.

Неговото следно судење е закажано за 22 септември.

The post Напаѓачот на Ружди се изјасни за невин appeared first on Република.

Три лица се избодени со нож за време на новогодишниот концерт на српската фолк пејачка Дара Бубамара во хотелот „Мајдан“ во Белград.

Според Нова.рс, нападот се случил во тоалетот на хотелот. Набргу по нападот концертот бил прекинат, а во хотелот пристигнале голем број полицајци, како и брза помош. Едно лице е тешко повредено, но детали за тежината на здобиените повреди не се познати.

Нападот наводно се случил после три часот по полноќ. Тие наведуваат и дека непознато лице со остар предмет им нанело повреди на главата и телото на М.М.(44), А.Р.(40) и Ф.А.(27), а потоа со Ауди А8 побегнал во непознат правец.

По напаѓачот и возилото се уште се трага.

The post Три лица избодени со нож на концерт на Дара Бубамара во Белград appeared first on Република.