Американската пејачка Тејлор Свифт (34) испиша историја на синоќешното доделување на музичките награди Греми – стана музичарка со најмногу победи во категоријата албум на годината. Имено, таа вчера ја освои четвртата статуетка за нејзиниот албум „Midnights“.

Свифт ја прими наградата од Селин Дион, која неочекувано се појави во улога на презентер две години откако ѝ беше дијагностицирано ретко невролошко заболување поради кое веќе не може да настапува.

Би сакала да ви кажам дека ова е најдобриот момент во мојот живот, но еднакво среќна се чувствувам и кога завршувам нова песна, правам проби и се спремам за концерт. За мене, наградата е работата, изјави Свифт, која претходно ја освои оваа награда и во 2010, 2016 и 2021 година.

Таа истовремено откри дека нејзиниот нов албум насловен „The Tortured Poets Department“ ќе излезе на 19 април.

Исто така, на голема среќа на нејзините обожаватели, Свифт најави дека нејзиниот претстоен 11. студиски албум „The Tortured Poets“ ќе излезе во април.

https://youtu.be/Yq-q-ZCZwxc?si=seZDIh28ebDaWNsP

The post Тејлор Свифт влезе во историја со освојување на четвртата Греми награда за албум на годината appeared first on Република.

До вчера во Скопје, според информациите што ги имам, се доставени учебниците за шесто одделение, соопшти денеска министерот за образование и наука Јетон Шаќири. Од Бирото за развој на образованието (БРО) тој бара најдоцна до крајот на ноември до МОН да ги достави наставните програми за седмо одделение за да може навремено да бидат изработени и испечатени учебници за наредната учебна година.

Според Концепцијата за основно образование која од 2020 се спроведува етапно, реформата во 2024/2025 ќе ги опфати седмоодделенците кои ќе имаат нови учебници на кои им претходи подготовка на наставни програми од БРО.

По нови наставни програми годинава учат учениците од трето и од шесто одделение. Во изјава за медиумите денеска Шаќири рече дека за разлика од наставните програми за трето, тие за шесто доцнеле од БРО и затоа се пролонгирал и процесот на изработка на учебниците, нивното печатење и дистрибуција до училиштата. Како што МОН претходно информираше, за трето одделение наставните програми биле готови лани во декември, а за шесто – во март оваа година.

Кога стигнуваат навреме програмите, стигнуваат навреме и учебниците. Факт за тоа се учебниците за трето одделение. Кажавме дека за шесто ќе бидат на крајот на септември и почетокот на октомври, но поради некои технички проблеми не стигнавме да ги доставиме целосно во тој период. Но, ме радува фактот што доставата заврши. За одредени учебници за шесто требаше многу да се работи на графичко-техничко уредување. За еден учебник, на пример, при крај на достава авторите побараа да се направи корекција за дел од учебникот. Но, за наредната учебна година, кога ќе имаме наставни програми за само едно одделение, барам од БРО најдоцна до крајот на ноември да се достават програмите, за навремено да стигнеме како и за трето одделение, изјави Шаќири по отворањето на Спортскиот самит 2023.

Во однос на учебникот Историја и општество за петто одделение, кој во мај беше повлечен од настава поради грешки во содржината, министерот рече дека бил формиран нов авторски тим, но исто така, посочи дека во завршна фаза е ракописот за Историја за шесто одделение. Проблем за нив е немањето рецензенти.

МОН неколку пати се обраќа до факултетите да достават рецензентска комисија и претседател за и тие учебници да бидат готови. Се работи за технички фактор – пријавување на рецензенти. Секојдневно комуницираме со универзитетите за професори да се вклучат во рецензентските тимови. Мислам дека за брзо време Педагошката служба ќе извести и сигурен сум дека и за тие учебници ќе има рецензенти и ќе бидат завршени, додаде Шаќири.

The post Учебникот по историја ќе доцни оти нема кој да го рецензира appeared first on Република.

Историјата ни е заедничка - таа може само да обединува, а не да разделува. Ова го рече потпретседателката на Бугарија, Илијана Јотова на почетокот на меѓународната конференција „Балканот - за мир, безбедност, соработка и партнерство“, организирана од Стратешкиот институт за национални политики и идеи (СИНПИ), Форум за балкански транспорт и инфраструктура ( FBTI) и Националната асоцијација за меѓународни односи (НАМО). Форумот кој денеска се одржува во Софија е под покровителство на претседателот на Бугарија, Румен Радев.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.

„Во 21 век разговорот не треба да биде каков што беше. Нашата заедничка судбина не повикува денес да живееме заедно, стремејќи се да обезбедиме мир и просперитет за себе и за нашите деца. Како да ги натераме нашите деца да останат овде, да го развиваат својот талент и вештини, да останат во својата татковина, да не бегаат во други поразвиени земји да ја бараат својата иднина таму. Како да работиме за нашиот заеднички развој, како нашите проекти да не останат само во теорија, туку проекти кои имаат своја одржливост, коментира Јотова.

Според нејзините зборови, таков треба да биде разговорот во 2023 година, а „да не се присвојува историјата, да се делат херои, да се гази слободното изразување на етничката припадност и пред се да се почитуваат човековите права“. Според неа, за човековите права се зборува како луксузна политика. Од нас зависи оваа опасна и вознемирувачка тенденција да биде прекината и да не гледаме во старите документи туку во проблемите на луѓето. Да подаваш рака на слабиот е израз не на слабост, туку на сила, истакна Јотова.

Таа истакна дека постојана тема на денешната конференција е иднината на Западен Балкан, особено во контекст на руската војна во Украина и нејзините последици. Не може да има сигурна и стабилна Европа без нејзино проширување во правец на Западен Балкан, посочи Јотова.

Војната во Украина е нова линија на поделба која повторно ги буди старите стравови во балканските земји. Повторно се зборува за сфери на влијание, поделеност, двојни стандарди. Политиката на ЕУ кон Западен Балкан е премногу нестабилна. Измешаните сигнали предизвикуваат дополнителна недоверба во овие земји, коментира Јотова.

Според неа, Балканот никогаш не бил спокоен векови наназад, а и денес паѓа во канџите на различни геополитички интереси. Само ние ги знаеме последиците од поделбата на сферите на влијание, од прекројувањето на границите, од желбата на големите сили да избришат дури и цели народи, јазици, традиции, минатото и нивната историја, истакна потпретседателката.

Според неа, во средина на негирање, големото е отсуството на дијалогот. Недостасува најважното, да се седне на иста маса со истомисленици, но и со противници, да се разменуваат позиции, да се води дискусија која се води со аргументи, а не со квалификации. Само така може да се родат добри идеи и работни решенија, коментира Јотова.

The post Јотова: Историјата ни е заедничка – таа може единствено да обединува, а не да разделува appeared first on Република.

Пред почетокот на новата учебна година јавноста важно е да биде запозната со хаосот во образованието, пишува професорот Игорче Дунимаглоски од скопскиот колеџ „Јахја Кемал“, потенцирајќи дека наставниците ќе бидат гласни.

Почитувани колеги, денес прават хаос во основното образование од 1-во до 6-то одделение, до година тој хаос ќе стигне до 9-тто одделение‼️‼️
Ова мора да се спречи‼️‼️
Сакам да укажам на еден сериозен недостаток во предметот Историја и општество за VI (шесто) одделение. Свесно и намерно се отфрлени темите кои досега ги работевме за Историјата и нејзиното значење како и еден многу значаен дел од историјата на човекот, а тоа е периодот од Праисторијата. Тоа значи дека од 1-ви септември ќе започнам да им предавам лекција за Стари цивилизации. Кој е тој неспоспособен автор на оваа програма да ја објасни методолошката грешка што ја прави пред целата македонска јавност?Иронијата да биде поголема според новата концепција предметот Историја и општество ќе може да го предава и дипломиран археолог, вели тој.

На неговото поставено прашање до обучувачите од Бирото за развој „Која е суштината на интеграција и спојување на предмети (Историја, Географија и Граѓанско образование) кога ќе ги предаваме одвоено еден од друг во 3 модули:

• Историја, (ќе се предава во период: 1 септември 2023 г до средина на февруари 2024 г.)
• Географија (ќе се предава во период: средина на февруари 2024 г. до сред. на мај 2024 г.)
• Граѓанско образование (ќе се предава во период: средина на мај 2024 г. до крај на година)“

одговорот бил: „НЕЗНАМ НИ ЈАС“.

Тоа значи дека не знаат повеќе што прават и тие самите се свесни за овој настанат хаос! Има уште една ситуација на која што сакам да укажам. Основното образование во однос на предметите за жал се трансформира во „тезга на пазар“! Поточно ние наставниците сме соочени едни против други да се бориме за поголем фонд на часови во своето училиште, во спротивно ќе бидеме отпуштени од нашите работни места, ќе бидеме вишок‼️‼️Колеги ова не треба да го дозволиме‼️‼️
За крај сакам да Ви се заблагодарам на сите што во огромен број го споделивте мојот претходен статус кој го отвори прашањето за хаосот во основното образование и за последиците од новата концепција. Им благодарам на сите колеги и родители на деца кои ми дадоа поддршка. Имаме заеднички став дека Министерството за образование прави штета од несогледливи последици, пишува тој.

The post И праисторијата исфрлена од учебникот по Историја за шесто одделение appeared first on Република.

Директорот на Агенцијата за промоција и поддршка на туризмот (АППТ) Љупчо Јаневски денеска, на средба со новинарите, рече дека во нашите музеи и локалитети нема доволно кустоси, поради што, многу често, странски водичи на туристичките групи им раскажуваат поинаква историја.

Во археолошките и други локалитети треба да имаме кустоси кои ќе ги пречекаат туристите и ќе им ја кажат историјата на вистински, автентичен начин. Недозволиво е тоа да го прават туристики работници од други земји кои ја извртуваат историјата. Еден до првите мотиви за посета на земјава е културното и историското богатство кои го имаме во изобилство и по кое сме прочуени во светски рамки. Но, се почесто и се повеќе се случува во нашите музеи и археолошки места туристите да не бидат пречекани од кустос или овластен водич, туку историјата е извртена и кажана од страна на водич што ја води групата. По правило, секој музеј или археолошки локалитет треба да има кустос кој на одреден јазик ќе ја раскаже историјата на местото и тоа по закон треба да биде така, истакна Јаневски.

Во овој момент нема бројка колку кустоси недостасуваат зашто музеите и локалитетите се под Министертсвото за култура.

Културата и туризмот се комплементарни дејности, голем број земји веќе имаат препознаено можност да се има министерство за култура, но и министерство за туризам кое се грижи за културното наследство, ни и овозможува негово соодветно и правилно презентирање. Туристичката дипломатија овозможува презентирање на земјата, градење културни мостови и промоција на културното, историското и етно богатството, нагласи директорот.

АППТ се обратила до Министертвото за култура кое во текот на летните месеци ангажира кустоси, со договор на дело, во поголем дел од локалитетите, центрите и музеите.

Сметам дека треба да бидат ангажирани поголем број кустоси, посебно сега, кога е зголемен бројот на туристи и групи. Се надевам дека тоа многу брзо ќе се сервисира зашто, сепак, некои локалитети и историски места немаат потреба од кустоси во текот на целата година, рече Јаневски.

Тој најави дека Агенцијата догодина, како дел од Стратегијата за култура, ќе изработи неколку апликативни решенија за 50-те најпосетувани музеи и етнографски колекции.

Ќе почнеме голем проект во соработка со Министерството за култура и Заводот за заштита на спомениците, ќе создадеме виртуелни тури за нашето историско и културно богатство. Ќе овозможиме туристите, преку виртуелна реалност, да се запознаат со тоа каков бил животот во тоа време на тоа одредено место или локалитет, информира Јаневски

The post Кој дозволува странски кустоси на наши локалитети на туристите да им раскажуваат нивна верзија на историјата? appeared first on Република.

Потпретседателката на Бугарија, Илијана Јотова во Варна изјави дека е време за средба меѓу владите на Бугарија и Македонија побарала да се преземат посериозни мерки по последниот инцидент со граѓанин со бугарски идентитет.

Доставувањето нота до македонскиот амбасадор таа го оцени како недоволна акција, бидејќи има информации дека се подготвува текст за промена на уставот на Македонија, но во пракса нема никаков развој.

Потпретседателката Јотова повика да не заборавиме дека, покрај уставот на РСМ, треба да има измени и според потпишаните заеднички протоколи, кои зборуваат за промени во учебниците, оценување на историски датуми и личности и отворање на досиеја, но ништо од ова, како што вели, не е направено – пренесува бугарското „БНТ“

Не се осмелувам ни да помислам дека новата бугарска влада ќе отстапи од веќе воспоставената бугарска позиција, која не е само на официјалниот кабинет, туку и на претседателската институција, на Народното собрание, не се осмелувам да мислам дека ќе има чекор назад, рече потпретседателката на Бугарија, пренесува медиумот.

Денеска министерот за надворешни работи Бујар Османи изјави дека Бугарија не може да постави нови услови, бидејќи преговарачката рамка е затворена.

The post Јотова: По Уставот, измени треба да се случат и во учебниците, историјата appeared first on Република.

Поради грешки во содржината, учебникот по Историја и општество за петто одделение е повлечен од употреба.

Од Министерството за образование и наука (МОН) веќе е објавен повик за формирање  авторски тим за  изработка на нов учебник и заинтересираните автори може да се пријават до 5 јуни.

Повлекувањето доаѓа откако поради грешките во учебникот кои беа увидени во декември лани – само неколку дена откако учениците го добија, реагираше Здружението на историчарите и јавноста, а МОН потоа информираше дека комисија ќе ја преиспита целата содржина и ќе даде предлог за соодветни корекции.

Од Министерството тогаш побараа од Националната комисија за учебници, како највисоко тело во процесот на одобрување на учебници, информации за постапката за одобрување на конкретниот учебник во кој, како што наведе МОН, „констатирани се низа грешки и нелогичности кои не смееја да се дозволат“.

The post Повлечен учебникот по Историја и општество за петто одделение appeared first on Република.

Среќни беа генерациите кои учеа историја. Без тој предмет, луѓето ќе бидат со исплакнати мозоци. И такви ќе водат (веќе водат) држави, реагира на Фејсбук професорката и претседателка на партијата „Глас“ Солза Грчева за најавеното укинување / поделба на досегашниот предмет историја за учениците од 6-то одделение.

Таквите ќе бидат само неоколонијални, глобалистички кукли на конци. Нивните граѓани ќе им служат скоро како робови, за ништо нема да одлучуваат, а земјите ќе им бидат ограбувани од “газдите“, од тие надвор и од „елитите“ дома. Историјата мора да се врати на голема врата. И целото образование да се реформира. Не според умот на НВО министри, туку од луѓе кои знаат што прават! Тоа е темелот на една држава, тоа е силата и критичката размисла на секој поединец. Со молчеливи, исплашени луѓе, со неуки луѓе, секој ќе манипулира, предупредува Грчева.

The post Грчева: Без историја луѓето ќе бидат со исплакнати мозоци appeared first on Република.

Професорката по историја која беше повредена во пукањето кое утринава се случи во основното училиште „Владислав Рибникар“ на Врачар, во Белград, почина од повредите во Ургентниот центар, јави „Нова.рс“.

Таа била примена во болница заедно со уште тројца ученици, пренесе РТС.

https://republika.mk/vesti/balkan/najmalku-8-mrtvi-vo-uchilishteto-vo-vrachar-sedmoodelenetsot-bil-pod-dejstvo-na-narkotitsi/

Од тројцата ученици, еден е во операциона сала и неговата состојба е сериозна.

До пукањето дојде во 8.40 часот, кога ученик од седмо одделение вооружен со пиштол почнал да пука на обезбедувањето и на учениците.

https://republika.mk/vesti/balkan/ubietsot-od-vrachar-e-14-godishniot-kosta-ketsmanovik-uchestuval-na-mnogu-shkolski-natprevari/

The post Во Ургентниот центар во Белград почина професорката по историја во која пукаше 14-годишниот ученик appeared first on Република.

Демократскиот сојуз го повикува Министерството за образование да ги прекине активностите за менување на наставната програма за шесто одделение и воведување нов предмет историја и општество од следната учебна година кој треба да замени три одделни предмети, историја, географија и граѓанско образование.

Од партијата сметаат дека со механичко мешање на наставните содржини на три различни предмети се маргинализира изучувањето историја, кој е исклучително важен предмет за сочувување и јакнење на националниот идентитет и за формирање на личноста на младите.

Демократскиот сојуз ја осуди оваа контроверзна образовна реформа уште кога беше ненаучно и насилно накалемена од тимот на екс министерката за образование Мила Царовска. Тогаш предупредивме дека експериментот кој преку спојувањето повеќе различни предмети ќе се испробува во Македонија, врз грбот на нашите најмлади, во таква форма не постои никаде во Европа и во цивилизираниот свет кон кој се стремиме“, велат од таму.

Демократскиот сојуз инсистира дека спојувањето на предметот историја со повеќе други предмети, испраќа порака дома и кај нашите соседи дека на Македонците историјата не им е важна, што може да се сфати како сечење на корените на македонскиот народ и обид за негово бришење од картата на народите, поради што мораме да бидеме внимателни, додаваат од Демократскиот сојуз.

Потсетуваат дека „бевме сведоци на неспособност на министерството да подготви учебници според новата наставна програма а видовме и печатење нови учебници со скандалозни грешки. Во учебникот за историја и општество за петто одделение, на пример, беа погрешени страните на светот каде што пишуваше дека источен сосед ни е Албанија, а западен Бугарија и дека Монт Еверест е висок 29 илјади метри, наместо 8 илјади“.

The post Владата да престане да ги третира учениците како експериментални глувци и да го врати предметот историја, порачуваат од Демократскиот сојуз appeared first on Република.

Кога ќе им го укинеш предметот Историја на децата на возраст на 10-11 години, кога се најчувствителни, кога практично детето почнува да го формира светот и кога буквално се буди неговата свест за сопствено идентитетско осознавање, за сопственото потекло, за припаѓање кон народ, кон држава, тоа значи дека им ја укинуваш нивната иднина како Македонци, вели професорот по социологија Илија Ацески во изјава за „Нова Македонија“.

Прашање е дали ова е направено смислено. Случајно сигурно не е, но доколку е случајно, тогаш е уште пострашно, вели Ацески.

Според социологот, несфатливо е некој да се дрзне да ја укине Историјата како предмет, бидејќи таа е клучна за идентитетското осознавање на една личност.

Нејасно е како едно дете од десет години ќе го оставиме незапознаено со тоа кое е, што е, да биде лоцирано во тој свет на етничко, историско, национално, народно битисување… Не можам да најдам зборови како да го објаснам ваквиот несфатлив чин, вели Ацески и стравува дека младите генерации ќе бидат оставени како „табула раза“, да ги обликува кој како што ќе стигне.

Ние живееме во време на наплив на информации отсекаде, во време на интернет, и кога на овие генерации ќе им ја испумпаш и таа и онака тенка врска со сопствената историја и идентитет, тогаш за што зборуваме повеќе. Искрено, не верувам дека дотаму ќе оди работата, вели професорот.

Негово мислење е дека децата мора да ја знаат историја на сопствената држава и никој не смее да ги лиши од тоа сознание.

The post Проф. Ацевски: Кога им ја укинуваш историјата на деца од 10-11 години, значи дека им ја укинуваш нивната иднина како Македонци appeared first on Република.

Здружението на историчарите на Република Македонија реагира поради отсуството на Историјата во наставните програми за VI одделение. Тие бараат мораториум на Концепцијата за основно образование.

Се надеваме дека нашата реакција ќе биде соодветно пренесена од вашиот медиум, имајќи ги предвид крајно негативните последици за македонскиот воспитно-образовен систем, како и на државата во целина.

The post Здружение на историчари: Историјата мора да остане посебен предмет во шесто оделение appeared first on Република.

Како Здружение на историчарите на Република Македонија, чијашто повеќе од седумдецениска дејност меѓу другото е насочена кон развојот на македонската историографија и унапредувањето на квалитетот на наставата во македонската историја, потсетуваме дека многупати и тоа во повеќе форми, јавно предупредивме на негативните импликации од крајно избрзано донесената Концепција за основно образование, која што беше целосно отфрлена од сите релевантни научни и високообразовни институции, се вели во денешната реакција на здружението.

ЗИРМ лани на 22 декември 2022 година до Министерството за образование и наука поднесе барање за повлекување на учебникот по новововедениот предмет „Историја и општество“ за V одделение. Тоа барање беше проследено со критичка анализа на 30 страници за 60 сериозни пропусти и грешки во концепциска, содржинска и методолошка смисла.

Предупредивме дека овие пропусти кај учениците ќе создадат погрешни претстави не само за минатото, туку и за сегашноста. Во оваа прилика јавно прашуваме дали овој учебник е повлечен од употреба, со оглед дека посочените пропусти ги надминуваат законски предвидените 30%! Воедно изразивме цврста увереност дека погрешната концепциско-содржинска поставеност на учебникот е директен резултат на Концепцијата за основно образование, поради што побаравме од Министерството да иницира јавна дебата за подготовка на нова концепција, за да не се повторуваат во иднина ваквите недозволиви пропусти.

Поаѓајќи од тоа, најновата актуелна состојба предизикана од отсуството на Историјата во наставните програми за шесто одделение, за нас како Здружение на историчари воопшто не е изненадување. Причината е што ние како здружение, како и генерално историската фела во државата, одбиваме да учествуваме во нивната подготовка, со оглед на нашето неприфаќање на концепцијата. На тој начин го изразуваме категоричното противење што со концепцијата е укинат предметот Историја (воведен во македонската држава од АСНОМ), за сметка на погрешно конципираниот и новоконструиран предмет „Историја и општество“, во кој вештачки се интегрирани предметите историја, граѓанското образование и географија. Досегашната практика на примената на концепцијата, недвосмислено ги потврдува нашите претходни оценки дека историјата се маргинализира и деградира, со што се оневозможува суштинското согледување на минатото, од што зависи и иднината на македонската држава. Особено што во Европската Унија, каде како демократска држава припаѓаме и чиишто фундаментални вредности ги споделуваме, во суштина историјата како предмет го дефинира идентитетот и свеста за припадноста кон нацијата.

Укажувајќи на штетните последици од понатамошното спроведување на концепцијата во однос на наставата по историја, категорично застануваме во заштита на колегите наставници, чиишто работни места се доведени во прашање, поради кратењето на бројот на часови по историја, а што е предизвикано од непромислените новоконципирани наставни планови и програми, со што во крајна линија се ревидира и содржината на македонската историја. Во таа смисла, цврсто опстојуваме на ставот дека Историјата мора да остане посебен предмет и воедно ги поддржуваме колегите кои сметат дека предметите Географија, Граѓанско образование, Биологија, Хемија, Физика треба да се изучуваат посебно.

Притоа, предупредуваме дека повторувањето на досегашната практика на избрзано донесување на нови наставни програми за историјата во последен момент, а во конкретниот случај за наставната програма за VI одделение за вештачки конструираниот предмет „Историја и општество“, од што ќе треба да произлезе и експресната подготовка на новиот ревидиран учебник, ќе предизвика крајно штетни последици за македонскиот образовен систем, на што најостро ќе реагираме!

Укажувајќи на досегашните сериозни штети причинети од Концепцијата за основно образование, што наоѓа директен одраз во несоодветните наставни програми и на учебниците како краен продукт, категорично бараме од Министерството за образование и наука да стави мораториум на Концепцијата и под итно да организира широка јавна дебата, која ќе биде заснована на сеопфатна анализа која ќе ги артикулира и досегашните негативни импликации од нејзиното воведување, како и ставовите на научната и академската заедница. Во меѓувреме, додека не се подготви и усвои нова концепција, бараме да се продолжи со досегашните наставни програми. На тој начин ќе се спречат идните штетни последици за учениците, наставниците, како и за севкупниот македонски образовен систем и за граѓаните и државата во целина.

Усвојувањето на новата концепција, ќе мора да го одразува научниот, академски и општествен консензус. Само на овој начин, ќе може да се промовира квалитетот во македонското образование, од што ќе произлезат наставни програми и учебници кои ќе бидат на потребното научно и академско ниво, во интерес на учениците, родителите, граѓаните и на државата, а не подредени на задоволување на моменталните политички цели.

Квалитетот на образованието е наша заедничка обврска и должност како историчари и како совесни граѓани, бидејќи младите генерации се столбот на иднината на државата. Во спротивно, како држава и како нација и натаму ќе бидеме на самото дно во однос на квалитетот на образовниот систем во Европа“, зе вели во реакцијата на Здружението на историчарите на Република Македонија.

The post Историчарите бараат мораториум на Концепцијата за основно образование и историјата да остане appeared first on Република.

Јас верувам дека наставна програма за историја и општество ќе излезе, малку подоцна, но ова што ја нема во моментов на веб страната на Бирото за развој на образование укажува на тоа дека раководството, Владата и тие што ги поставуваат за директори немаат никаков сенс за она што се случува кај народот, кај наставниците, кај родителите. Зошто доцнат со програмата тие треба да кажат. Но, можеле да почекаат и целосно да ги објават програмите за сите предмети. А, зошто доцнат можеме да претпоставиме. Нормално затоа што историјата е проблем, тие се обидоа да ја укинат историјата, но после силни реакции на стручната фела, на наставниците, на активистите, на родителите, тие ја вратија историјата во еден предмет историја и општество“, истакна претседателката на Комисија за образование и наука на ВМРО-ДПМНЕ, Весна Јаневска, во емисијата „За или против“.

Јаневска додаде дека преку историјата се учи за настаните, причините за настаните, се изучуваат историски херои. Таа додава дека преку изучување на историјата се гради идентитет и се гради чувство на патриотизам.

Претпоставка е меѓу сите нас кои не сме во групата која ја создава програмата дека да има проблеми во однос на историските програми. Особено затоа што сите знаеме дека ние имаме проблем со нашиот сосед во врска со историските настани, во врска со идентитетот, во врска со јазикот.

 

Верувам дека тие што ја правеле концепцијата не се соочиле со реалноста. Ние не можеме да спроведеме такво образование на споени предмети. Прво, затоа што немаме кадар. Ние не сме произведеле кадар наставник кој ќе може да предава биолошки науки“, нагласи Јаневска.

Таа укажа дека и оценувањето исто така не им е решено како ќе се одвива на овие споени предмети.

The post Јаневска: Ние не можеме да спроведеме образование на споени предмети, тие што ја правеле концепцијата не се соочиле со реалноста appeared first on Република.

Авторите треба да обрнат поголемо внимание при пишувањето на учебниците, но исто така внимание да обрнат и рецензентите при рецензирањето на книгите, порача денеска премиерот Димитар Ковачевски во врска со актуелната ситуација со пропустите во учебникот за петто одделение.

На прашање дали ќе побара одговорност од министерот за образование и наука, Ковачевски рече дека министерот не ги пишува учебниците, туку авторите.

Министер за образование и наука не ги пишува учебниците. Учебници пишуваат автори, рецензија прават рецензенти. Затоа, онаму каде што се појавиле грешки при пишувањето на книгите, при нивното рецензирање, тие ќе треба да бидат вратени и да бидат заменети со текстови кои што ќе бидат напишани на научен начин, рецензирани согласно научната пракса, и како такви повторно дистрибуирани - изјави премиерот по доделувањето на социјалните станови на граѓани во Пробиштип.

Инаку, деновиве беа констатирани нелогичности во учебникот по Историја и општество за петто одделение

Министерството за образование и наука и Педагошката служба соопштија дека е почнат процесот за утврдување на причините за пропустите при одобрувањето и издавањето на овој учебник за кој, како што се наведува, се констатирани низа грешки и нелогичности не смееја да се дозволат.

The post Ковачевски: Министерот не ги пишува учебниците, авторите да обрнат поголемо внимание appeared first on Република.

Некој некогаш се фатил за пушка. Ние, денес, сардисани од сите страни, се фативме за вреќите, на овој голем ден, напиша актерката и активистка Ирена Ристиќ на „Фејсбук“ споделувајќи фотографии од денешната чистачка акција на здружението „Не биди ѓубре“.

По фашистичката агресија од страна на По фашистичката агресија од страна на Германија и нивниот пријатен но пред се невин администратор Бугарија, а и окупацијата на Југославија во 1941 година, Македонија повторно е поделена, овојпат помеѓу италијанскиот окупатор и администраторот кој бркал административни работи пријатно и многу пријателски.
На 11 Октомври Прилепскиот партизански одред, 16 луѓе, го напаѓаат бугарскиот полициски участок, институција од административен карактер и прељубезен кадар полн емпатија, затворот и ги прекинале врските и струјата.
Во оптужницата на бугарскиот ф̶а̶ш̶и̶с̶т̶и̶ч̶к̶и̶ административен суд стои дека напаѓачите располагале со околу дваесет пушки со неколку бомби, со 300-400 куршуми, со леб и со други намирници.
Другиот ден има дејствија и во Куманово. Иако активноста на овие први партизански одреди е скромна, таа претставува иницијална каписла за продолжување на борбата. Среќен 11 Октомври, денот на народното востание Македонијо 🇲🇰Германија и нивниот пријатен но пред се невин администратор Бугарија, а и окупацијата на Југославија во 1941 година, Македонија повторно е поделена, овојпат помеѓу италијанскиот окупатор и администраторот кој бркал административни работи пријатно и многу пријателски.
На 11 Октомври Прилепскиот партизански одред, 16 луѓе, го напаѓаат бугарскиот полициски участок, институција од административен карактер и прељубезен кадар полн емпатија, затворот и ги прекинале врските и струјата.
Во оптужницата на бугарскиот ф̶а̶ш̶и̶с̶т̶и̶ч̶к̶и̶ административен суд стои дека напаѓачите располагале со околу дваесет пушки со неколку бомби, со 300-400 куршуми, со леб и со други намирници.
Другиот ден има дејствија и во Куманово. Иако активноста на овие први партизански одреди е скромна, таа претставува иницијална каписла за продолжување на борбата.
Среќен 11 Октомври, денот на народното востание Македонијо“
Честитката е од Ина, а денешнава акција е од НЕ БИДИ ЃУБРЕ
п.с. симболично, книгата ја најдовме во купиштата ѓубре

The post „Историја на македонскиот народ“ симболично пронајдена во ѓубре во денешната акција на „Не биди ѓубре“ appeared first on Република.

Од септември, во петто одделение се спојуваат предметите Историја и Општество, додека пак учениците од второ одделение ќе изучуваат родови, етнички и национални идентитети, пренесува Телма.

Преку овие новини, идните ученици од второ одделение ќе треба да учат како да се справуваат и како да ги препознаваат емоциите, а за предметот Општество ќе треба да ги идентификуваат идентитетите, согласно новата концепција за основно образование.

Ученикот треба да ги идентификува различните компоненти на сопствениот идентитет кој се гради врз основа на припадноста на различни социјални групи, како на пример, родов, етнички и национален идентитет и на различните улоги кои ги има во животот, се вели во наставната програма за второ одделение.

За предметот Општество за второ одделение, во делот за дигитална писменост, личен и социјален развој и техника и технологија се наведува дека ученикот ќе треба да знае да процени кога и на кој начин за решавање на одредена задача е потребно користење на информатички комуникациски технологии.

За да можат просветните работници да ја спроведат дигитализацијата, наставната програма предвидува користење на компјутер, проектор и други дигитални уреди но и сложувалки и логички игри.

Новитет кај учениците од петто одделение ќе биде фузијата на предметите Историја и Општество кои наместо посебни како досега, ќе се изучуваат од еден учебник. Во наставната програма се вели дека до крајот на годината, учениците треба да имаат чувство на припадност кон државата.

Ученикот треба да знае да ги идентификува и почитува сите национални симболи на Република Македонија и да манифестира чувство на припадност кон државата. Ученикот треба да ги идентификува географските карактеристики на континентите, регионите и државите во светот и да ги поврзува со нивнот општествен развој, се вели во наставната програма.

Наставниците, според наставната програма ќе треба да обезбеди инклузивност на сите ученици. Учебниците според информации на ТВ Телма, се уште не се испечатени со новините, а информации нема ниту од министерството за образование дали сите училишта се снабдени со помошните техничко-технолошки помагала.

The post Од 1 септември второодделенците ќе учат за идентитети, во петто се спојуваат Историја и Општество appeared first on Република.

Преку обраќање на Фејсбук лидерот на ЛДП и министер за локална самоуправа, Горан Милевски, денеска објаснуваше како не е ни за францускиот предлог, но не е ни против почетокот на преговорите и предложи „доколку Владата сепак одлучи да започне преговори на лизгав терен со Унијата, да се редефинира составот на историската комисија и начинот на нејзиниот избор“. Според Милевски, со новиот начин на избор на нејзините членови од страна на Собранието државата ќе била сигурна дека немало да се „начне македонскиот идентитет“.

Историската комисија ја избра Владата, а според Милевски сега кога ќе почнат преговорите со ЕУ Собранието треба да го има клучниот збор при изборот на историчарите кои треба да бидат „еминентни“. Но тој со неговиот предлог ја вмешува и политиката, велејќи и дека двете најголеми партии треба да предложат историчари кои тие ги сметаат за „еминентни“.

Според предлогот на Милевски, во историската комисија треба да има двајца претставници кои ќе ги делегирала МАНУ, а по еден претставник треба да делегира претседателот на државата, најголемата владејачка партија, најголемата опозицика партија и еден претставник делегиран од најголемата партија на „немнозинското население“.

Милевски пишува дека „овие недели добивав цврсти гаранции од многу влијателни центри на одлучување дека нема да се дозволи Бугарија да се изживува со нас во процесот на интеграција во Унијата и да се доведеме како држава до понижувачка позиција. Многу ветувања реализирале, но многу останало и не e остварено и затоа овој пат сум толку многу скептичен во целиот процес“.

The post Горан Милевски предлага да се избере нова комисија за историја appeared first on Република.

„За македонцките работи“ од Крсте Петков Мисирков и книги по историја денеска беа оставени пред зградата на Министерството за надворешни работи. Младите демонстранти на власта ѝ порачаа да научи историја, како дел од протестниот марш со кој се вели НЕ на ултиматумот, францускиот предлог и бугаризацијата на Македонија.

The post Книги од Мисирков оставени пред МНР, младите им порачаа на властите да научат историја! appeared first on Република.

Требаше да поминат пет години од потпишувањето на Договорот меѓу Заев и Борисов, четири години од Преспанскиот договор и исто толку од историските комисии, при што таа со Грција како да е во илегала за разлика од таа со Бугарија, за новопечениот академик Драги Ѓоргиев да ни обзнани дека во историјата имало повеќе вистини, пишува Дарко Јаневски во својата нова колумна.

Значи не била само бугарската вистина, туку имало и други. Што него, и неговата тајфа од Комисијата ги става во ранг на Кристофер Колумбо или во ранг на оној што ја пронашол топлата вода. За оние од Комисијата со Грција, поим немаме дали доживеале вакво просветлување. Но, тие изгледа на раат си ја тераат тезгата, ако воопшто има што да тераат зашто нивно е само да одобруваат што ќе кажат Грците. Иако, таму веројатно допрва ќе се изненадуваме. На пример, со прашањето што ќе учат нашите деца – Грците го ослободиле Солун во 1912 година од Турците или си присвоиле град кој никогаш не бил нивен?

Како и да е, Ѓоргиев ни внесе нов знак на надеж: нашиве денешни просветители можеле да еволуираат. Па, од позицијата која државниот врв ни ја соопшти – а таа е дека Комисијата треба да ги утврди единствените и вистински факти за историјата, како, на пример, дека Гоце Делчев е Бугарин, стигнавме до позиција дека за една иста работа, настан, личност… имало повеќе вистини, за што сум пишувал многу пати. Ашколсун академиче! Среќа што сме во 21 век, па ова е дозволено. Замисли да бевме во средниот век кога било дозволено да се лечи само со пијавици како една и едиствена вистина. Тоа е времето на кое му пасуваат договорите со Бугарија и Грција, нели умна главичке?

Ама потоа го имаме истиот Ѓоргиев и некој си таму Тодоров кој пред некој ден гостуваше на Ѕинговизија, кои велат дека тие повеќе вистини требало да им бидат претставени и на нашите деца. Па сами да си избереле која вистина ќе ја земат. Демек, на дете од петто одделение, каде во рамки на предметот Општество има една-две лекции за историјата на Македонија, а кое дете има 10-11 години, ќе му кажеш дека Александар Македонски бил Грк (тука веројатно ќе има само една вистина), дека Самоил бил и бугарски и словенски цар (можете да се обложите дека терминот „македонски“ ќе биде избегнат), дека Гоце бил и бугарски и македонски револуционер кој е роден во Македонија која е грчка, а чиј роден Кукуш, Грците го ослободиле од Турците па етнички го исчистиле од „Бугарите“ така што го запалиле до корен, па детето ако сака, ќе проучи и ќе си донесе свој заклучок. Малку ви „чадит“ главата што би рекле некои или тоа само си замислувам? Ама димот се гледа!

Во секој случај, многу бистро. Само што во тоа „бистро“ има еден мал проблем. Кога пишувате национална историја, го пишувате вашиот национален поглед. Не правите „турли тава“ од сите светски погледи на некој историски настан или лик, туку го давате вашето толкување на тој настан.

Па, така, Британците за Чембрлен не пишуваат дека му удоволил на шизофрениот нацист, туку пишуваат дека сакал мир па затоа го склопил Михенскиот договор со Хитлер. Бугарите не учат дека царот Борис им бил ортак со Хитлер, туку се обидувал да спаси што може да се спаси во таа ситуација. Грчките деца не учат дека во 1914/15 година нинвата земја била поделена меѓу сојузништво со Германија и сојузништво со Британците и Французите, па Венизелос практично ја поделил Грција на два дела, француските деца не учат дека Мажино линијата им била невидена глупост на неспособните генерали, а дека Хитлер стигнал преку Холандија и Белгија до Париз како на прошетка, при што повеќе негови војници загинале во несреќи отколку во борби.

Оттука, кога ги учите вашите деца на нивната национална историја, ги учите да не ги мразат другите народи, но ги учите на вашиот поглед на историјата. Македонија на македонскиот поглед, Бугарија на бугарскиот. Грците секако нема да пишуваат за Александар дека, според нив, тој и Македонија се грчки, ама можеби и не се грчки, бидејќи има и други погледи кои нам ни изгледаат поблиски до вистината, туку учат дека тие тврдења се кражба на дел од нивната и само нивната античка историја. Зар мислите дека ќе ги натерате Бугарите да напишат во нивните учебници дека покрај нивната вистина дека Гоце е Бугарин, има и вистина според која Гоце е Македонец, па малото Бугарче од 10 години само да си одбере?

Па, така, во старт го учите дека има некој друг кој сака да земе нешто што е негово. Не ви текнува нели? Да, и пишувањето на национална историја предизвикува поделби, таа не им се допаѓа секогаш на другите, но тоа не води до блокади, до затворање на граници и до хистерии како тие во Грција со милионските собири во Солун (се извинувам Теалоники) против Република Македонија. Цивилизираните земји не го прават тоа, туку тие разлики се решаваат на конференции меѓу историчарите, а не со политички уцени, закани и притисоци по што одбирате група историчари-поданици кои глумат некаква си експертиза.

Згора на тоа, како ќе чествуваме заеднички еден цар, како дел од заедничката историја (само по себе тоа е надвор до умот, зар не?), чие седиште било во Охрид. Не ви јасно, интелегенцијо академска наша, дека така Бугарите историски го околчуваат просторот? Дека на тој начин Охрид историски станува дел од Бугарија? Тоа што за 100 евра го прави секој геометар на еден плац, овде се прави со територијата на насилно инсталираната Северна (зашто поголемиот дел од Македонија си го околчија Грците, ама за тој дел Бугарите не смеат ни да гукнат дека е нивен), за малку повеќе од 100 евра, ама принципот е ист. Па угледајте се на Грција членка на ЕУ и НАТО. Демек, со сите демократски и цивилизациски нишани. Таа не рече – ајде заеднички да го чествуваме Александар! Не! Рече тој е наш, Македонја е наша, а вие сте северни и слободно може да си кршите главата.

Се разбира, во оваа ситуација не постои добро решение. Добро решение ќе беше да имавме луѓе со доблест кои нема да прифатат, историјата како наука да ја потчинат на политички потпис ставен врз некој договор. Но, такви имало и ќе има. А со оглед на тоа што никој не бара распуштање на тие комисии, останува, до некои идни времиња кога други нема да ни ја пишуваат историјата, меѓу лошите решенија да се избере единственото добро и возможно, а тоа е сепак да се опстои на ставот дека секој има право да ја пишува и толкува својата национална историја како што сака. А оној кој ќе продолжи да се занимава со таа наука, ќе може да ги прочува сите можни вистини кои во светот постојат и за Самоил и за Александар и за Гоце.

Се разбира, сите тие други вистини не треба да останат капсулирани меѓу тесен круг луѓе. Населението треба да знае дека Грците на овој или оној начин го присвојуваат Александар, дека Самоил и Гоце за Бугарите се Бугари, сето тоа треба да се објаснува, за да не доаѓаме до хистерии на комуњарите како кога покојниот Зоран Тодоровски го промовираше Дневникот на Крсте Мисирков, зашто сите тие факти имаат и свое објаснување.

А има што да се објаснува. Имаат и тие околу нас, но имаме и ние. Еден професор по Новиот завет на Јел универзитетот, Дел Мартин, добар раскажувач, но скаран со логиката, во предавањето на студентите за Грчко-римскиот свет, им вели дека Александар Велики бил Македонец, ама Грк и дека целиот свет во негово време бил грчки. Ете тоа е еден од погледите на светот. Дали и неговиот поглед ќе им го претставите на децата?. Но и тој на Борза, кој не е баш ист?
Плус, се чини дека и ова е некоја ујдурма, која загарската машинерија на СДСМ и ДУИ ќе треба да ни ја протне како разумен компромис, зашто пред година или две, еден од членовите на бугарската комисија истакна дека Бугарите имале забелешка на еден наш учебник во кој стоело дека црквата што во Филипи ја основал апостол Павле е првата македонска црква. Тие реагирале на тоа (немам поим што пак на Бугарите им е гајле како ја именуваме таа црква, но од друга страна, и тие како и Грците во корен го сечат секое поврзување на терминот „македонски“ со нас) и нашиот дел од Комисијата се согласил тоа да се избрише од учебниците. Демек, небањата била таа реченица, иако не е јасно што е спорно ако таа црква ја оквалификувате и како македонска, кога веќе е формирана на територија на Македонија, а формирана по повик на Македонец до апостолот! Па, дали некој тврди дека поглаварот на нашата црква, која сама се прогласи за ќерка на Бугарската Црква, е наследник на апостол Павле како што е тоа со папата за кого се смета дека е наследник на апостол Петар? Не! А, дека таа црква е првата македонска – е! Што е спорно во тоа? Грците ја сметаат за нивна, американски научници тврдат дека Лидија е Еврејка, ние имаме опера за неа како Македонка, Грците тврдат дека Лидија е античко грчко име… И?

Не знам, можеби можеле да додадат дека таа црква не е директно врзана со нас, дека од таа црква произлегле и грчката и бугарската и српската итн, ама веројатно се плашеле дека така може да се отиде во друга димензија која е забранета, па се согласиле реченицата да се избрише. Што значи дека, сепак, историските цензори, немаат намера да ги претстават сите исторски погледи за еден настан на децата (што само по себе е доволно катастрофално и малоумно) туку само оние погледи што ќе им бидат одобрени. А, кои се тие поглед можете да погодувате.

И за крај, за тезата дека ако сте против насилно инсталираното име и против тоа дека нашата историја е грчка до 7. век, а потоа бугарска до 1944 година, тогаш сте против ЕУ (и НАТО, разбира се), а штом сте против ЕУ, тогаш сте руски шпион. Што би рекол нашиот велепен новоименуван амбасадор во ООН, кому Америнците му рекоа „fuck off“ за местото во Вашингтон – моронска ви е загарската теза. Поглупа е и од самите вас. Но, барем го потврдува Ајнштајн за тоа што е бесконечно во светов, пишува Јаневски.

The post Јаневски: Бугарска и грчка историја во училиштата, македонска – скришно за по дома! appeared first on Република.