Унгарија го совлада Катар, Македонија нема шанси за четвртфинале

Унгарија го совлада Катар, по што, од втората позиција обезбеди пласман во четвртфиналето на Светското првенство во ракомет. Резултатот беше 29:23, а на полувреме ракометарите заминаа со нерешен резултат – 12:12.

Катарците беа тие кои беа подобри во првиот дел, неколку пати имаа предност од три гола, но Унгарците успеаја да обезбедат нерешен резултат на полувремето. Второто полувреме мина во доминација на Унгарците. Одиграа цврсто во одбраната, беа ефикаси во нападот и овој период го добија со шест гола разлика.

Групата 2 уште пред ова коло ја освои Франција, Унгарија е втора, Холандија трета. Македонија доколку вечерва приреди сензација и ја победи Франција ќе заврши на третото место.