Македонски
Атмосферата на натпреварот против Нант беше еден од најсилните адути на Вардар, а поддршката од трибините од Скопје испрати позитивна слика низ цела ракометна Европа. Сепак, од клубот посочуваат дека настапите во ракометната елита носат и голема одговорност.
Токму затоа, Вардар упати апел до своите навивачи да продолжат со силната поддршка, но истовремено да внимаваат на однесувањето на трибините.
Причина за ваквиот апел е инцидентот на дуелот со Нант, кога поединци фрлија забранети средства на теренот. Поради овој инцидент, до клубот од седиштето на ЕХФ пристигнала опомена.
За жал токму на натпреварот против Нант бевме сведоци на таков немил инцидент, кога од страна на поединци на теренот беа фрлени забранети средства, поради што од седиштето на ЕХФ до клубот пристигна опомена, која доколку на наредните натпревари се повтори слична постапка ќе значи и големи казни за клубот“, велат од РК Вардар.
Од клубот порачаа за достоинствено навивање на следните натпревари.
Вие сте најголемата сила на Вардар. Вашата поддршка е тоа што во битките, особено во Скопје, ни дава посебна сила и мотив. Затоа, да го бодриме клубот достоинствено и со почит кон противникот и сите присутни во салата“, порачаа од клубот.
