Македонски
Кошаркарите на Црвена ѕвезда утре во Истанбул ќе играат натпревар од 3. коло од Евролигата против Фенербахче, а познато е и кој ќе го предводи тимот. Како што е потврдено за српски „Спортал“, на натпреварот во Истанбул тимот од Белград нема да го води Јоанис Сферопулос.
Според најновите информации, тренерската функција на овој меч ќе ја има Томислав Томовиќ, помошник во тренерскиот штаб на Јоанис Сферопулос.
Томовиќ ја започна својата тренерска кариера во 2010 година како помошник во првиот тим на ОКК Белград. Потоа, тој го водеше тимот на Слодс, а како помошник работеше и во Шандонг и Маги, од каде што дојде во Црвена ѕвезда во август 2023 година. Поточно, се врати, бидејќи ја започна својата играчка кариера во Црвена Звезда во 2001 година.
Сферопулос е пред отказ, откако црвено-белите ги загубија првите два натпревара во Евролигата и првиот меч во АБА-лигата
