Националниот џез оркестар и младите солисти за Новогодишниот концерт ветуваат добра музика и забава во нaјубавиот период од годината

На 15 декември во Филхармонијата, Националниот џез оркестар во 12 часот ќе одржи новогодишен детски џез концерт на кој ќе се свират најпознатите новогодишни композиции.

Тие денеска пробуваат и велат дека убавина еден тон им подариле пробите со младите солисти.

Најавено е учество на младите музичари Лена Илиевска, Алексеј Ивановски, Нела Манческа, Ирина Давидовска и Бисера Мојаноска, хорот при ООУ „Дане Крапчев“ предводен од наставникот Ванчо Јовчев и балетското студио за класичен балет и модерен танц „Балерина” предводено од балетскиот педагог Маја Каревски.

Диригент на концертот ќе биде маестро Џијан Емин.

Оркестарот продолжува со тенденцијата да ја доближи џез музиката до сите генерации, а овој концерт ветува добра музика и забава за целото семејство во нaјубавиот период од годината“, велат од оркестарот.