Skip to main content

Музика на Мориконе, Цимер, Бернштајн и Фреди Меркјури на концертот „Flowers Symphony 2“ во Филхармонија

Со изведби на делата „Now We Are Free“, „The Ecstasy of Gold“, „Barcelona“ и „Hijo de la luna“, во Македонската филхармонија ќе се одржи концертот „Flowers Symphony 2“, кој ќе обедини музика од филмската, оперската и поп-сцената во симфониско издание.

На сцената ќе настапат Оркестар DIVA во симфониски состав и Градскиот мешан хор „Балтепе“, под диригентската палка на Владимир Димовски.

Како солисти ќе настапат сопраните Јаворка Витанова, Виолета Арсовска и Зана Абази-Рамадани, а специјални гости ќе бидат Наде Талевска, Билјана Талевска и Бојан Стојков.

Во програмата се вклучени композиции од некои од најзначајните автори на филмската и сценската музика, меѓу кои Енио Мориконе, Ханс Цимер, Леонард Бернштајн и Фреди Меркјури.

Пред публиката ќе бидат изведени „The Ecstasy of Gold“ од филмот „The Good, the Bad and the Ugly“, „Now We Are Free“ од филмот „Gladiator“, легендарниот дует „Barcelona“, како и шпанскиот музички хит „Hijo de la luna“.

На програмата е и аријата „Glitter and Be Gay“ од оперетата „Candide“ на Леонард Бернштајн, која важи за едно од најпредизвикувачките дела за сопрански глас.

Поврзани вести