Македонски
Славниот британски пејач Елтон Џон, во септември, годинава ја сподели веста дека тешка инфекција на окото го оставила слеп на десното око, а видот на левото му е „ограничен“.
Елтон Џон, на забавата за промоција на неговиот нов мјузикл The Devil Wears Prada, за кој ги напиша стиховите, откри дека физички не можел да го гледа шоуто. Причината за тоа се неговите постојани проблеми со видот, пишува Гардијан.
Го изгубив видот, така што тешко е да го гледам. Но, сакам да го слушам и звучеше навистина добро вечерва“, изјави тој.
Во септември, Џон откри дека тешката инфекција на окото што ја добил во јули додека бил во Франција го оставила слеп на десното око и со „ограничен вид“ на левото.
Минатата недела, тој на Добро утро Америка рече дека неговиот вид го одложува неговиот следен албум со долгогодишниот соработник Берни Таупин.
The Devil Wears Prada штотуку беше отворен во лондонскиот Вест Енд во театарот Доминион. Гала настапот што се одржа на 1 декември беше организиран за да се соберат средства за Фондацијата за СИДА на Елтон Џон.
