Македонски
Во текот на октомври 2025 година ќе се одржи серија од шест вебинари под наслов „ФилмЕД презентација“ (FilmED Showcase), посветени на нови пристапи во филмското образование. Вебинарите се организирани од тимот на ФилмЕД – авторите кои самите ги тестирале и имплементирале активностите пред да бидат споделени на платформата https://film-ed.eu/mk/.
Меѓу учесниците и предавачите се:
Тереса Вајзер и Тереза Штјастна од Гете Институт Прага (Goethe-Institut Prague),
Адела Лахоутова од Крутон (Krutón),
Дамјана Патчева од Кинотека на Македонија (Cinematheque of Macedonia),
Алиција Новачка, Моника Горска и Каролина Шмигел од Филмски центар Анжеј Вајда (Wajda Film Centre),
Барбора Андор Тотова и Роберт Рампачек од Кино Усмев (Kino Úsmev), и
Емесе Ердӧш од Национален филмски инстут на Унгарија (National Film Institute Hungary).
…
Распоред на вебинари:
· 7 октомври, 17:00 CET — Историја на филм и филмски јазик: Како тие можат да помогнат во современиот свет? (Film History and Film Language: How Can They Be Helpful in the Contemporary World) — Истражување на филмската историја и јазикот на филмот преку алатки за критичко размислување и медиумска писменост; анализи на класични дела, звук, монтажа и европски краткометражни филмови.
· 9 октомври, 17:00 CET — Пракса на снимање на филмови (The Practice of Filmmaking) — Практични вештини од областа на филмската продукција: работа со камера, монтажа, раскажување приказна и креативна употреба на најден материјал.
· 14 октомври, 17:00 CET — Филмско образование за претшколска возраст (Film Education for Preschoolers) — Методи и пристапи за воведување на најмладите во светот на филмот, развивање визуелна писменост, креативност и емоционална интелигенција.
· 16 октомври, 17:00 CET — Како да се подучуваат едукаторите (How to Teach Educators) — Улогата на институциите и организациите во поддршката на наставниците преку ресурси, обуки и можности за соработка.
· 21 октомври, 17:00 CET — Пристапност во филмското образование (Accessibility in Film Education) — Инклузивни пристапи за еднаков пристап до филмско образование за различни групи ученици и заедници.
· 30 октомври, 17:00 CET — Интердисциплинарно филмско образование (Interdisciplinary Film Education) — Филмот како образовна алатка во комбинација со други предмети – наука, емоции, сетилни доживувања – со цел да се поттикне ангажираност и емпатија.
