Пленковиќ на разговор со Орбан: Хрватска сака да се договори со Унгарија за користењето на ЈАНАФ

Премиерите на Хрватска и Унгарија, Андреј Пленковиќ и Виктор Орбан, се сретнаа во Копенхаген по низата меѓусебни обвинувања во последните денови во врска со транспортот на сурова нафта од страна на хрватската ЈАНАФ.

На маргините на состанокот во Копенхаген, разговарав со унгарскиот премиер Виктор Орбан. Ја истакнав подготвеноста на Хрватска да снабдува нафта до рафинеријата во Унгарија преку нафтоводот ЈАНАФ. Уште еднаш ја отфрлив тезата дека Хрватска се обидува да профитира од војната во Украина со зголемување на цените на транспортот. Напротив, користејќи ја улогата на регионален енергетски центар, Хрватска сака да им обезбеди на своите соседи алтернативен пат за снабдување наместо да купува енергија од Русија“, објави Пленковиќ на платформата Х.

Тој додаде дека во духот на добрососедските односи, Хрватска сака да ги реши отворените прашања.

Исто така, со нетрпение го очекуваме наскоро отворањето на последниот дел од автопатот во рамките на коридорот Vc (E73)“, додаде Пленковиќ.