Трет пораз на ЕП за младинската женска ракометна репрезентација на Македонија

Фејсбук профил на РФМ

Женската младинска ракометна репрезентација на Македонија го претрпе третиот пораз во групата А на Европското првенство што се игра во Подгорица, Црна Гора. Поуспешни денеска од нашите ракометарки во третото коло беа врсничките од Чешка, кои славеа победа со 41:24 (18:10). Ова беше трет пораз за Македонија во групата и до крајот на шампионатот македонските ракометарки ќе разигруваат за пласман од 13-24.место.

Фаворитската улога Чешка ја покажа на самиот старт на натпреварот и дојде до водството од 9:1, а на почетокот на вториот дел првпат поведе и со двоцифрена предност 21:11. Конечните 41:24 беа и најубедливата предност за Чешка, која со три победи го освои првото место во групата.

Михаела Крапкова од Чешка со 10 голови беше најефикасна на натпреварот, додека кај Македонија Леона Милековска постигна пет голови.

По комплетирањето на натпреварите од третото коло од групите ќе бидат познати и противниците на Македонија во следните натпревари.