Македонски
Бројот на компании кои поднеле барање за банкрот во Германија во вториот квартал од 2025 година го достигна највисокото ниво од третиот квартал од 2005 година, соопшти вчера Институтот за економски истражувања Хале (ИВХ).
Во јуни оваа година, 1.420 барања за банкрот беа поднесени од компании и партнерства во Германија, што е за 23 проценти повеќе отколку во истиот месец минатата година.
Бројот на банкроти беше за 50 проценти поголем од просекот за јуни помеѓу 2016 и 2019 година, пред пандемијата со Ковид-19.
Во вториот квартал од оваа година, 4.524 компании поднесоа барање за банкрот, што влијаеше на 45.000 работни места.
Бројот на банкроти се зголеми за седум проценти во споредба со вториот квартал од 2024 година.
Во извештајот се наведува дека ова е најголем број на банкроти од третиот квартал од 2005 година, поголем отколку по големата економска и финансиска криза од 2009 година.
