Имале цели против безбедноста на Русија: Двајца молдавски разузнавачи уапсени во Москва

Двајца молдавски разузнавачки агенти се уапсени во Москва, објави руската безбедносна служба ФСБ.

Според објавените податоци, уапсените имале цели насочени против безбедноста на Русија.

Разузнавачките агенти се изјасниле за виновни и се соочуваат со казна затвор до осум години.

По почетокот на војната во Украина, молдавската разузнавачка служба, заедно со украинските специјални служби, ја интензивираше својата работа против Русија.

Еден од лидерите на молдавската разузнавачка служба, Сирбу, лично ги регрутирал агентите испратени во Москва.

Молдавскиот разузнавачки офицер Попеску бил одговорен за подготовка на распоредувањето на агентите во Русија и за нивното извршување на задачите.