Македонски
Премиерот Христијан Мицкоски вели дека се следи состојбата со цените и најавува дека ќе се преземат мерки доколку има непринципиелни однесувања од страна на трговците.
– Состојбата со цените апсолутно ја следам одблиску, реков дека нема да толерирам трикови, внимателно следиме што се случува во маркетите и се разбира доколку има одредени неприципиелни однесувања што јас ги нарекувам трикови ќе делуваме. Инаку имаме во план да носиме мерки, со кои јавноста ќе биде запознаена благовремено, рече Мицкоски на новинарско прашање при присуството на манифестацијата „Од нива до трпеза“ во општина Аеродром.
Најави дека Владата ќе го разгледа Извшетајот на Државниот пазарен инспекторат што го изготви за состојбата со цените по завршувањето на владините мерки по што ќе излезе со став во јавноста.
Мицкоски, во коментар за растот на цените во маркетите и на пазарите меѓу кои и на црешите, рече дека нивната цена е висока поради временските состојби, истакнувајќи дека очекува истото да се случи и со јаболката.
– Нивната цена не е 500 денари, туку од 200 до 300 денари по килограм, но и тоа е многу. Тоа е така поради студот, тоа што беше елементарна непогода за црешите, истото го афектираше и ресенското јаболко, иако оваа годиона очекувавме и таму голем род, за жал, тоа нема да се случи, ќе биде преполовено, ако не и трипати намалено поради неколкуте недели кога имаше ниско темпратури. Ретка е понудата на трпезата, очекувам истото да се случи и со јаболката кога ќе дојде редот, изјави Мицкоски.
