Ангелов: Мојот фокус е формирање на една институција која ќе ги обедини функциите на двете ДЗС и ЦУК

Стојанче Ангелов, новиот директор на Дирекцијата за заштита и спасување рече дека Дирекцијата се подготвува за престојните пожари, но во моментот нема ниту еден ер-трактор, сите авиони се на сервис.

„Дозволете барем неколку недели, оваа влада има јасен став и курс дека треба да бидеме подготвени летово. Подготвуваме неколку изненадувања кои ќе ни помогнат полесно да се справиме со престојните пожари“, изјави Ангелов.

Тој рече дека во моментов нема ниту еден функционален ер-трактор, но дека е оптимист дека ќе ги имаат на располагање.

Ангелов додаде дека во владата е формирана група која работи на спојување на ДЗС и на ЦУК.

„Има 19 закони, и е обемна постапка и треба многу време. Мојот фокус е формирање на една институција, која ќе ги обедини функциите на двете ДЗС и ЦУК“, изјави Ангелов.

Според него, во областа на заштитата и спасувањето, не е само спојувањето на овие две институции, туку како пример рече дека кога има пожари, тие бараат хеликоптери од АРМ и од МВР, што значи работата е многу покомплексна.