Македонски
Министерот за транспорт Александар Николоски најави дека од Охридскиот аеродром ќе се реализираат летови до Базел. Првиот лет на оваа линија ќе се реализира од октомври.
Новата линија Базел – Охрид стартува 4 месеци порано. ,,Европскиот аеродром” како што е името на аеродромот помеѓу градовите Базел, Мулуз и Фрајбург е многу важен аеродром затоа што е на тромеѓе на три држави – Швајцарија, Германија и Франција. Раскрсница која ќе донесе многу туристи, но и ќе го олесни патувањето на нашата дијаспора. Од компанијата WizzAir објавија дека веќе може да се купат карти за новата авиолинија Охрид – Базел. Првиот лет на оваа линија која е дел од програмата за субвенционирање на нови авиолинии е закажан за 27 Октомври, напиша Николоски на Фејсбук.
Вчера, Николоски најави дека од 31 октомври ќе има нова авиолинија и од Скопје до Ларнака во Кипа, а во интервјуто за МИА дадено по потпишувањето на Договорот за стратешко партнерство со Обединетото Кралство, Николоски вели дека се разговара и со „Рајанер“ да дојдат на македонскиот пазар.
