Македонски
На денешното рочиште за убиствата на Вања Ѓорчевска и Панче Жежовски, обвинетиот Влатко Кешишев одговара на прашањата на одбраната. Откако заврши Владимир Туфегџиќ, адвокатот на Александар Ѓоерчевски, со свои прашања продолжи првообвинетиот Љупчо Палевски Палчо, кој најави 95 прашања за неговиот поранешен поттрчко.
Кешишев одговара свртен со грб кон Палевски, кој му бил запишан како „Царот“ и за кого потврди дека му дал ливче со кое го терал да го промени исказот даден во Обвинителството.
Ве слушнав меѓу вас во штабот дека Панче е убиен, рече Кешишев за убиството на велешанецот.
За ВД 40
Не знаев зашто се користи. Ти ми кажа дека е за чистење отисоци, рече Кешишев.
Храна и вода за грабнување
Палевски го праша Кешишев дали носеле храна и вода за грабнатите бидејќи тврдел дека убиство никогаш не било планирално туку само грабнување.
Не носевме ништо, се пристети Кешишев.
За Вања
Дали некој ве прашал, а вие сте одговориле дека Вања е грабната по грешка?, продолжи да прашува Палчо.
Може, но не се сеќвавам, одговори Кешишев.
Го праша и зошто „кангуто“ нема траги на гумите на местото „Дупки“ каде што е убиена Вања.
Прво одеше „кангуто“, а потоа „цитроенот“, упорен беше Кешишев.
Кога е копана дупката
Дупката е копана пред слушањето на истрелот. Никогаш не сум слушнал пред истрелот Палевски да говори за „Фершпед“, „А1″, стан во Охрид, објасни Кешишев.
