Македонски
По неодамнешната јавна дискусија во врска со условите во студентскиот дом „Стив Наумов“ во Скопје, Делегацијата на ЕУ ги разгледа околностите и ги утврди фактите, вклучително и преку посета на објектите од страна на нејзини претставници. Врз основа на собраните информации, би сакале да ги дадеме следниве појаснувања – наведува Делегацијата на ЕУ во соопштение.
Европската Унија, заедно со Владата на Македонија и Германската развојна банка (KfW), ја поддржаа реконструкцијата на студентскиот дом „Стив Наумов“ во Скопје, како дел од поширока програма за подобрување на студентското сместување. Реновираните објекти беа официјално пуштени во употреба на 30 септември 2026 година и се во гарантен рок. Доколку се утврдат какви било градежни недостатоци или технички проблеми, тие треба да се пријават преку соодветните канали, по што ќе бидат разгледани и отстранети од страна на одговорните изведувачи на работата.
Решавањето на реални проблеми и презентирање точни информации се од суштинско значење за заштита на интересите на студентите и за одржување на јавната доверба. Студентите имаат полно право да изразат загриженост, и тоа треба да се сфати сериозно. Подеднакво важно е да се осигури дека информациите што се споделуваат во јавноста се точни и соодветно проверени. Фотографии или изолирани инциденти не секогаш ја прикажуваат целосната слика, па затоа заклучоците треба да се засноваат на утврдени факти.
ЕУ очекува високи стандарди за квалитет и одговорност од сите чинители вклучени во нејзините инвестиции. Иако надлежните органи и градежната компанија се одговорни за одржувањето и поправката на недостатоците, и студентите имаат одговорност совесно да ги користат објектите – пред сè, за свое добро.
Фактите се важни. Важни се и студентите.
За повеќе информации во врска со ова соопштение, ве молиме контактирајте ја Елеонора Попоска, службеник за односи со јавност и информации, на електронската адреса [email protected] или на телефонскиот број 3248 500.
