Македонски
Федералниот суд на Флорида издаде судски налог со кој се наложува задолжителна психијатриска процена на Томас Маркл, таткото на британската војвотка од Сасекс, Меган Маркл.
Целта на ова вештачење е стручно да се утврди дали 82-годишниот Маркл е ментално способен да ја следи судската постапка и да одговара пред законот за тешките кривични дела што му се товарат.
Судијката Линдзи Грифин во Тампа, во официјалниот судски налог појасни дека уште првото појавување на дедото на принцот Хари пред судските органи предизвикало загриженост за неговата ментална способност активно да учествува за време на кривичната постапка.
Маркл беше уапсен минатиот петок поради извршено кривично дело, незаконско поседување материјали со сексуална злоупотреба на деца.
Според истрагата, меѓу доказите се издвојуваат две експлицитни фотографии на кои Маркл позира со голо малолетно девојче, како и многу други фотографии на кои тој е прикажан во друштво на деца на различна возраст, меѓу кои и фотографија на голо девојче во хотелска соба.
Во официјалната изјава од ФБИ се наведува дека федералните агенти спорните материјали ги заплениле од неколку изнајмени магацински простории што Маркл ги користел во Лос Анџелес уште од 2008 година, а меѓу нив биле пронајдени фотографски дијапозитиви, филмски негативи, како и разни книги.
Осомничениот свесно и плански ги заведувал деца, обидувајќи се да им ја одземе невиноста, предупреди Каш Пател, директор на ФБИ. (МИА)
