Македонски
Полскиот претседател Карол Навроцки доцна синоќа влезе во зградата на Уставниот суд во Варшава, откако претходно го прекина патувањето за Сенегал и се врати во земјата. На снимките објавени од полските медиуми се гледа како тој, опкружен со обезбедувањето, се пробива низ насобраните лица на влезот.
Внатре се соочил со судијката Ана Корвин-Пјотровска и со други судии избрани од актуелното парламентарно мнозинство. На видеото се слуша како таа вели: „Ние сме судии на Уставниот суд“, на што Навроцки одговара: „Вие не сте судии на Уставниот суд“. Претседателот и неговите соработници не го признаваат нивниот статус, додека тие тврдат дека имаат право да ја преземат работата на Судот.
Тензичната ноќ следуваше по објавата дека претседателот на Судот, Богдан Свјенчковски, и неговиот заменик, Бартошеј Сохањски, се суспендирани од должностите. Одлуката ја соопшти Корвин-Пјотровска, но досегашното раководство на Судот ја оспори. Полицијата беше распоредена пред зградата, а тројца демонстранти беа приведени по инцидентите во кои дел од насобраните ја пробиле оградата и фрлале предмети кон полицајците.
Пред Судот се собраа поддржувачи на опозициската партија Право и правда (ПиС), меѓу нив и нејзини истакнати политичари. Настаните ја продлабочија конфронтацијата меѓу претседателот Навроцки и владата на премиерот Доналд Туск околу составот и контролата врз една од најважните уставни институции во земјата. Владата ја оправдува постапката со потребата од враќање на владеењето на правото, додека опозицијата ја нарекува напад врз уставниот поредок.
Опозициски медиуми во Полска обвинија дека јавниот сервис TVP не известувал за случувањата во клучните часови од ноќта, додека неколку десничарски приватни телевизии емитувале прилози од пред Судот. Тврдењето за известувањето на јавниот сервис беше дел од пошироките реакции околу тоа како медиумите ја следеа кризата.
Late at night, after overcoming considerable resistance, Polish President Nawrocki finally managed to enter the building of the Constitutional Tribunal in Warsaw. Throughout the evening and night, the right-wing forces in Poland clearly rallied around the president, and the confrontation between Nawrocki and Tusk for control of this key constitutional body continues. Two videos show the moment when the Polish president, who cannot be denied entry anywhere in the country, breaks into the building. In the third video, Nawrocki, already inside the building, confronts Anna Korwin-Piotrowska, a judge supported by Tusk, who declared herself the head of the court, and other newly appointed judges, also supported by Tusk, to whom the Polish president stated: "You are not judges of the Constitutional Tribunal." Polish state television ignored the events unfolding in the country during the evening and night, with only opposition media, including several right-wing private television channels, actively reporting on the situation.
— Sprinter Press (@Sprinter_Press) October 31, 2026
