Македонската актерка Зорица Панчиќ во жирито на „Борини позоришни дани“ во Врање

Актерката од Народниот театар „Јордан Хаџи Константинов – Џинот“ – Велес, Зорица Панчиќ, беше член на стручното жири на театарскиот фестивал „Борини позоришни дани“ во Врање, Србија.

Покрај Панчиќ во жирито на 46. издание на овој фестивал беа и театрологот Миливоје Млаѓеновиќ (претседател на жирито) и писателот Горан Ибрајтер.

Наградата „Борисав Станковиќ“ за најдобра претстава во целина тие ја доделија претставата „Мојот театар“ (Moje pozorište), чиј автор и режисер е Борис Лијешевиќ, а продукцијата е на „Атеље 212“ од Белград.

Наградата „Борисав Станковиќ“ за најдобар актер му беше доделена на Небојша Илиќ за неговата изведба во претставата „Мојот театар“.

Наградата „Борисав Станковиќ“ за најдобра актерка ѝ се додели на Наташа Марковиќ за улогата на Мара во претставата „Црно злато“ од Дејан Дуковски, во режија на Оливер Фрљиќ и во изведба на Белградскиот драмски театар.

Наградата „Борисав Станковиќ“ за најдобар драмски текст му се додели на Стеван Копривица за текстот на претставата „Уна“, во продукција на театарот „Звездара“ од Белград.