Уапсен тетовецот кој утрово пијан возел во спротивен правец на патот Гостивар-Тетово, сопатниците им се силеле на полицајците

Уапсен е 33-годишникот од тетовско кој утрово пијан возел во спротивен правец на патот Гостивар – Тетово.

Како што соопшти МВР, утрово по претходна пријава дека на патот Гостивар – Тетово патничко возило „шкода“ со тетовски регистарски ознаки се движи во спротивен правец, преземени се мерки и на наплатна станица Тетово полициските службеници го сопреле возилото и по извршени проверки било констатирано дека возачот Б.О.(33) од с.Доброште е под дејство на алкохол, односно му буле измерени 2,06 промили алкохол во крвта, по што е лишен од слобода.

Полициските службеници ги лишиле и неговите сопатници А.Ј.(27) од с.Нераште и Н.А.(38) од с.Доброште затоа што агресивно и дрско се однесувале кон полициските службеници кои извршувале службени дејствија. Тие се задржани во полициска станица и по документирање на случајот, против нив ќе следуваат соодветни поднесоци, велат од МВР.