Македонски
Есенската чорба се одликува со употреба на луковични и коренести зеленчуци кои се достапни во текот на целата година. Нејзиното име може да се менува во зависност од годишното време; за да биде во чекор со трендовите, едноставно преименувајте ја во летна чорба со додавање тиквички и боранија, или во зимска чорба со вклучување кељ и праз.
Состојки:
- 2 лажици масло
- 1 главица кромид
- 1 морков
- 1 помал целер
- 1 лажица брашно
- 2 лажички сув зеленчук
- 1 чешне лук
- 1 голем сецкан домат
- 1 сладок компир
- 100 грама наут( конзервиран)
- 200 грама кафеав грав (конзервиран)
- 100 грама спанаќ
- 400 мл вода
Подготовка:
Ставете го ситно исецканиот кромид во загреано масло и кратко пропржете го, потоа додадете ги исецканите морков и целер и пржете додека не почнат благо да поруменуваат. Посипете го зеленчукот со брашно и добро измешајте.
Додадете 400 мл вода, сув зеленчук, ситно сецкан лук, исецкани сладок компир и домат, оставете да зоврие, а потоа варете на тивок оган. Потоа додадете ги исцедените наут и грав и обарениот спанаќ.
Откако ќе зоврие, варете уште околу 10 минути. Послужете топло.
